ތަކަކުރާ ކޮމިއުނިޓީ ކޮމްޕޯސްޓިންގ ޕްރޮޖެކްޓް - ރަށު ކައުންސިލްތަކުގެ ޕްރޮޕޯސަލްއަށް ހުޅުވާލުން

ނޫނު އަތޮޅުގެ މީހުން ދިރިއުޅޭ 12 ރަށެއްގައި ކުނި މެނޭޖުކުރުމުގެ ނިޒާމަށް އިންގިލާބީ ބަދަލެއް ގެނައުމަށް ފަރުމާކުރެވިފައިވާ "ތަކަކޫރާ ކޮމިއުނިޓީ ކޮމްޕޯސްޓިންގް ޕްރޮޖެކްޓް" އިފްތިތާހުކުރިކަން އިއުލާނުކުރުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެކެވެ. މިއީ ގުދުރަތީ ނިޒާމުތަކުން ނަމޫނާ ނަގައިގެން، މުޖުތަމައުގެ ބައިވެރިވުމާއެކު "ސާކިއުލާ އިކޮނޮމީ" އެއް ބިނާކުރުމަށް އެޅޭ މުހިންމު ފިޔަވަޅެކެވެ.

މަޝްރޫއާ ބެހޭގޮތުން

މި މަޝްރޫއަކީ ކާމިޔާބުކަމާއެކު ތަޖުރިބާކުރެވިފައިވާ "ތަކަކޫރާ މެތަޑް" ގެ މައްޗަށް ބިނާވެފައިވާ މަޝްރޫއެކެވެ. މިއީ ގޯނި ބޭނުންކޮށްގެން އަދި "ލެކްޓޯބެސިލަސް ސްޓާޓާ" ބޭނުންކޮށްގެން އެންމެ 21 ދުވަސް ތެރޭގައި ކާބޯތަކެތީގެ ކުނި ފެންވަރު ރަނގަޅު ކާދަށް ބަދަލުކޮށްދޭ، ހަރަދު ކުޑަ އަދި ފަސޭހަ އުކުޅެކެވެ. މި ގޮތަކީ ނުބައި ވަސް ނުދުވާ، އާދައިގެ ޓެކްނޮލޮޖީ ބޭނުންކުރާ، އަދި މާލީގޮތުން ދެމެހެއްޓެނިވި ގޮތެއް ކަމުން، މިއީ ރަށްރަށުގެ ފެންވަރުގައި ކުނި މެނޭޖުކުރުމަށް އެންމެ އެކަށީގެންވާ ގޮތެވެ. އިތުރު 12 ރަށަކަށް މި ނިޒާމު ފުޅާކުރުމުގެ މަގުސަދަކީ، އަމިއްލަ ރަށުގައި އުފެދޭ ކުނި މެނޭޖުކޮށް، އެއީ އަގުހުރި ވަސީލަތަކަށް ބަދަލުކުރުމުގެ ބާރު ރަށު ފެންވަރުގައި ހޯދައިދިނުމެވެ.

މަޝްރޫއުގެ މުހިންމު ބައިތައް

މި މަޝްރޫއު ކުރިއަށްދާނީ 6 މަސްދުވަހުގެ މުއްދަތަށެވެ. މީގެ ދަށުން ނޫނު އަތޮޅުގެ 12 ރަށެއް ހިމެނޭނެއެވެ. މި މަޝްރޫއަށް 2,000,000 ދިވެހި ރުފިޔާގެ ގްރާންޓް އެހީއާއި، ކޯ-ފައިނޭންސިންގްގެ ގޮތުގައި ލިބޭ 2,400,000 ރުފިޔާއާއެކު، ޖުމްލަ 4,400,000 ރުފިޔާ ހޭދަވާނެއެވެ. މި ފައިސާ ހަރަދުކުރެވޭނީ އިންފްރާސްޓްރަކްޗާ ގާއިމުކުރުމަށާއި، ތަމްރީނު ދިނުމަށާއި، އަދި ކާދު ހަދާ މަރުކަޒުތައް ދެމެހެއްޓެނިވި ގޮތެއްގައި ހިންގުމަށެވެ.

މައިގަނޑު މަގުސަދުތައް

މި މަޝްރޫއުގެ މަގުސަދަކީ 6 މަސްދުވަހުގެ ތެރޭގައި ފުރިހަމައަށް ހިދުމަތްދޭ 12 ކާދު ހަދާ މަރުކަޒު ގާއިމުކުރުމެވެ. މި މަރުކަޒުތަކުން އަހަރަކު 1.5 މިލިއަން ކިލޯއަށްވުރެ ގިނަ ކާބޯތަކެތީގެ ކުނި، ކުނިގޮނޑުތަކަށް އުކާލުމުގެ ބަދަލުގައި ބޭނުންތެރި އެއްޗަކަށް ބަދަލުކުރާނެއެވެ. މީގެ ސަބަބުން ތިމާވެއްޓަށް ކުރާ ނޭދެވޭ އަސަރު ކުޑަވެގެންދާނެއެވެ. އަދި އަހަރަކު 1.5 މިލިއަން ކިލޯގެ ކާދު އުފައްދައި، ރަށު ފެންވަރުގައި ދަނޑުވެރިކަން ކުރިއެރުވުމަށާއި ކާނާގެ ރައްކާތެރިކަން ކަށަވަރުކުރުމަށް އެހީތެރިވެދޭނެއެވެ. މި މަސައްކަތް ހަރުދަނާކުރުމަށްޓަކައި، ކޮންމެ ރަށަކުން 5 މުވައްޒަފުންގެ މަގުން، ޖުމްލަ 60 މުވައްޒަފުން ކާދު ހެދުމަށާއި ކުނި ވަކިކުރުމުގެ މަސައްކަތަށް ތަމްރީނުކުރެވޭނެއެވެ.

މަޝްރޫއު ކުރިއަށްދާނެ މަރުހަލާތައް

މި މަޝްރޫއު ކުރިއަށްދާނީ ތިން މަރުހަލާއަކަށް ބަހާލައިގެންނެވެ.

• ފުރަތަމަ މަރުހަލާ (1 ވަނަ މަސް): މި މަރުހަލާގައި ބޮޑަށް އިސްކަންދޭނީ ކާދު ހަދާނެ ސައިޓްތައް ކަށަވަރުކުރުމަށާއި، ކޯ-ފައިނޭންސިންގް އެއްބަސްވުންތައް ނިންމުމަށާއި، ބޭނުންވާ ސާމާނު ހޯދުމަށެވެ.

  • ދެވަނަ މަރުހަލާ (2 ވަނަ މަހުން 4 ވަނަ މަހަށް): މި މަރުހަލާގައި ސާމާނުތައް އިންސްޓޯލްކުރުމާއި، ކޮންމެ ރަށެއްގައި 3 ދުވަހުގެ ތަމްރީނު ޕްރޮގްރާމެއް ހިންގުމާއި، އަދި ފުރަތަމަ ބެޗްތަކުގެ ކާދު ހަދަން ފެށުން ހިމެނެއެވެ.

  • ތިންވަނަ މަރުހަލާ (3 ވަނަ މަހުން 6 ވަނަ މަހަށް): މި މަރުހަލާގައި ދުވަހުން ދުވަހަށް ކުރަންޖެހޭ މަސައްކަތްތައް ކުރުމާއި، މަހުން މަހަށް ކުރިއެރުންތައް ރިޕޯޓްކުރުމާއި، އަދި މަޝްރޫއުގެ ނަތީޖާއާއި ދެމެހެއްޓެނިވިކަން ވަޒަންކުރުމަށް ފައިނަލް އިވެލުއޭޝަނެއް ހެދުން ހިމެނެއެވެ.

  މީގެ މުހިންމުކަން

  ,

  ކުނިވާ ޒާތުގެ ތަކެތި ނިއުޓްރިއެންޓުން މުއްސަނދި ކޮމްޕޯސްޓަށް ބަދަލުކޮށްގެން، މި މަޝްރޫޢުގެ ސަބަބުން ވެލިގަނޑުގެ ފަސްގަނޑު މުއްސަނދިކުރުމަށާއި، ރަށު ފެންވަރުގައި ދަނޑުވެރިކަން ކުރިއެރުވުމަށާއި، އަދި ދެމެހެއްޓެނިވި ގޮތެއްގައި ރަށްފުށުގެ ދިރިއުޅުން ބައްޓަންކުރުމަށް އެހީތެރިވެދޭނެއެވެ. މިއީ ކުނި މެނޭޖުކުރުމަށް މުޖުތަމަޢުގެ ބައިވެރިވުމާއެކު ހޯދޭ ހައްލެއްގެ އިތުރުން، ފެހި އަދި އަމިއްލަ ފުދުންތެރިކަން ބޮޑު ނޫނު އަތޮޅަކަށް އެޅޭ ފިޔަވަޅެކެވެ. އަދި މި މަޝްރޫޢުގެ ސަބަބުން ތިމާވެށި ރައްކާތެރިކުރުމުގެ ރޫޙު އާލާވެ، މޫސުމީ ގޮންޖެހުންތަކަށް ކުރިމަތިލުމުގެ ގާބިލުކަން އިތުރުވެގެންދާނެއެވެ.

  ބައިވެރިވުމަށް ޝައުގުވެރިވޭތޯ؟

  މި ފޯރިގަދަ ހަރަކާތުގައި އަމަލީ ގޮތުން ބައިވެރިވުމަށްޓަކައި ޕްރޮޕޯސަލް ހުށަހެޅުމަށް ނޫނު އަތޮޅުގެ ހުރިހާ ރަށު ކައުންސިލްތަކަށް އަޅުގަނޑުމެން ދައުވަތު އަރުވަމެވެ. އަޅުގަނޑުމެންގެ ރަށްތަކަށް ސާފުތާހިރު، ދުޅަހެޔޮ އަދި ދެމެހެއްޓެނިވި މުސްތަގުބަލެއް ބިނާކުރުމުގައި ތިޔަ ކައުންސިލްތަކުގެ ބައިވެރިވުމަކީ ވަރަށް މުހިންމު ދައުރެއް އަދާކުރާނެ ކަމެކެވެ.

  ކައުންސިލްތަކުން ކުރަންޖެހޭ ކަންތައްތައް

  މި މަޝްރޫޢުގެ ރިޒޮލިއުޝަންތަކާއި އެއްބަސްވުމުގެ ލިޔެކިޔުންތަކުގެ އިތުރުން "ތަކަކޫރާ ޓޫލްކިޓް" ނޫނު އަތޮޅުގެ ހުރިހާ ރަށު ކައުންސިލްތަކަށް މިހާރު ފޮނުވިފައިވާ ވާހަކަ ދަންނަވަމެވެ.

  އެހެންކަމުން، ކޮންމެ ކައުންސިލަކުންވެސް ތިރީގައިވާ ކަންކަން ފުރިހަމަކޮށްދެއްވުމަށް އިހުތިރާމާއެކު އެދެމެވެ:

  1. އެއްބަސްވުން މުރާޖަޢާކޮށް، އޭގައި ސޮއިކުރުން؛

     1. އެއްބަސްވުމާ ގުޅޭ ރިޒޮލިއުޝަން ފާސްކުރުން؛

     2. މަޝްރޫޢު ހިންގުމަށް ބޭނުންވާ ބަޖެޓު ކަނޑައެޅުން؛

     3. މަތީގައިވާ ކަންކަން ފުރިހަމަވުމުން ނޫނު އަތޮޅު ކައުންސިލަށް އެންގުން.

     މި ފިޔަވަޅުތަކަކީ "ތަކަކޫރާ ކޮމިއުނިޓީ ކޮމްޕޯސްޓިންގ ޕްރޮޖެކްޓް" ބައިވެރިވާ ހުރިހާ ރަށްތަކެއްގައި އެއްގަލަކަށް އަރުވައިގެން، ތާވަލާ އެއްގޮތަށް ކުރިއަށް ގެންދިއުމަށް ކޮންމެހެން ބޭނުންތެރި ފިޔަވަޅުތަކެކެވެ.

     ސޮއިކޮށްފައިވާ އެއްބަސްވުންތަކާއި، ފާސްކޮށްފައިވާ ރިޒޮލިއުޝަންތަކުގެ އިތުރުން ބަޖެޓު ކަށަވަރުކޮށްދޭ ލިޔުންތައް ހުށަހެޅުމުގެ އެންމެ ފަހު ތާރީޚަކީ 30 ސެޕްޓެމްބަރު 2025 ކަމުގައި ދަންނަވަމެވެ.

     އިތުރު މަޢުލޫމާތު ހޯއްދެވުމަށް ގުޅުއްވާނީ:

     • ޒަމީރު ޒުބައިރު – zameer@noonunaturally.com

       • ޢަލީ ޝަމީމް – ali.shameem@kudafari.gov.mv

       • ޢަބްދުﷲ ޙަމީދު – abdulla.hamaeed@noonu.gov.mv

       • ޕްލޭނިންގ އެންޑް އިންފްރާސްޓްރަކްޗަރ ޑިޕާޓްމަންޓް – planning@noonu.gov.mv

       • ޢަބްދުލް މުހައިމިން – abdul.muhaimin@nooonu.gov.mv