ޑރ. ތޯމަސް ޖޭ. އެފް. ގޯރޯ އާއެކު އިކޯވާރސް ރީޖެނެރޭޝަން ޑެމޮންސްޓްރޭޝަންތައް

ނ. އަތޮޅު ކައުންސިލްގެ އިދާރާއިން އިންތިޒާމުކުރާ، ތިމާވެށި އާލާކުރުމުގެ އައު އީޖާދުތައް ދައްކާލުމަށް ބާއްވާ "އިކޯވާސް ރިޖެނެރޭޝަން ޑެމޮންސްޓްރޭޝަންސް" އިފްތިތާޙުކުރާކަން އުފަލާއެކު އިޢުލާނުކުރަމެވެ. މި ޙަރަކާތުގައި ދުނިޔޭގެ ފެންވަރުގައި ފާހަގަކޮށްލެވޭ ތަޖުރިބާކާރެއް ކަމަށްވާ ޑރ. ތޯމަސް ޖޭ. އެފް. ގޯރޯ ބައިވެރިވެވަޑައިގަންނަވާނެއެވެ. މިއީ ކަނޑާއި އެއްގަމުގެ ދިރުންތައް އާލާކުރުމަށް ބޭނުންކުރާ އެންމެ ޒަމާނީ ޓެކްނޮލޮޖީތަކާއި ޙައްލުތައް ދައްކާލުމަށް ކުރިއަށްގެންދާ ގުޅިފައިވާ މަސައްކަތެކެވެ.

މި ޙަރަކާތާ ބެހޭގޮތުން

ތިމާވެށި އާލާކުރުމުގެ ދާއިރާއިން ދުނިޔޭގެ ފެންވަރުގައި މަޤްބޫލުކަން ހޯއްދަވާފައިވާ ޑރ. ގޯރޯގެ އެހީތެރިކަމާއެކު ކުރިއަށްގެންދާ މި ޙަރަކާތުގައި، ކަނޑުގެ ދިރުންތައް އާލާކުރުމާއި، ފަރުތައް ދިރުވުމާއި، ފަސްގަނޑުގެ މުއްސަނދިކަން އިތުރުކުރުމުގެ އިތުރުން ކާބަން ސީކުއެސްޓްރޭޝަން (ޖައްވުން ކާބަން ދަމައިގަތުން) ފަދަ ކަންކަމަށް ޢަމަލީ ގޮތުން ބޭނުންކުރެވޭނެ ޓެކްނޮލޮޖީތަކަށް އަލިއަޅުވާލެވޭނެއެވެ. މި ޙަރަކާތަކީ ނ. އަތޮޅު ކައުންސިލްގެ ކްލައިމެޓް ރެޒިލިއަންސް (މޫސުމީ ބަދަލުތަކަށް ހޭނުމުގެ) ޕްރޮގްރާމްތަކާ ގުޅުވައިގެން، ދިރުންތަކުގެ މުއްސަނދިކަން އިތުރުކޮށް، ތިމާވެށީގެ ރައްކާތެރިކަން ވަރުގަދަކޮށް، ދެމެހެއްޓެނިވި ތަރައްޤީއަށް މަގުފަހިކުރުމަށް ހިންގޭ އީޖާދީ މަސައްކަތެކެވެ.

މި ޙަރަކާތުގެ މުހިންމު ބައިތައް

• ފަރުތަކާއި ގޮނޑުދޮށްތައް އާލާކޮށްގެން ރަށްގިރުމުން ސަލާމަތްކުރުން: މުހިންމު ފަރުތަކުގެ ނިޒާމުތައް އާލާކޮށް ރައްކާތެރިކުރުމަށް ފަރުމާކޮށްފައިވާ އެންމެ ފަހުގެ ޓެކްނޮލޮޖީތަކުގެ ޢަމަލީ ދައްކާލުންތައް ބައްލަވާލެއްވުން. (ވެލިދޫ، 9-14 ޑިސެމްބަރު)

• ކަނޑުގެ ދިރުންތައް އާލާކުރުން: މޫދުވިނަ ނުވަތަ ގަސްގަހާގެއްސާއި ކަނޑުގެ ދިރުންތަކުގެ މުއްސަނދިކަން އަލުން އާލާކުރުމަށް ބޭނުންކުރާ ޒަމާނީ ގޮތްތައް ދެނެގަތުން. (މާފަރު، 14 ޑިސެމްބަރު)

• ފަސްގަނޑުގެ މުއްސަނދިކަން އިތުރުކުރުމާއި ކާބަން ސީކުއެސްޓްރޭޝަން ޓެކްނޮލޮޖީ: ދަނޑުވެރިކަމުގެ ދެމެހެއްޓެނިވިކަމަށް ބޭނުންވާ ފަސްގަނޑުގެ ދުޅަހެޔޮކަން އިތުރުކުރުމުގެ އީޖާދީ އުކުޅުތައް ދަސްކުރުން. އަދި ޖައްވުން ކާބަން ދަމައިގަނެ ރައްކާކުރުމުގެ ޒަރީޢާއިން މޫސުމީ ބަދަލުތަކުގެ ނޭދެވޭ އަސަރުތައް ކުޑަކުރުމަށް ހުރި ޙައްލުތައް ހޯދުން. (ކެނދިކުޅުދޫ، 15 ޑިސެމްބަރު)

މީގެ މުހިންމުކަން

މި ޙަރަކާތުން ދޭން ބޭނުންވާ މެސެޖަކީ، ތިމާވެށި ބަދަލުކޮށްލެވޭ ފަދަ ވަރުގަދަ ޙައްލުތައް އަޅުގަނޑުމެންގެ އަތްފޯރާފަށުގައި ހުރިކަމެވެ. ޑރ. ގޯރޯގެ ތަޖުރިބާއާއި ކައުންސިލްގެ ދުރުވިސްނުން އެއްކޮށްލައިގެން، އަޅުގަނޑުމެންގެ އަމާޒަކީ މުޖުތަމަޢުގެ ބައިވެރިވުން އިތުރުކޮށް، މުހިންމު ގުޅުންތައް އުފައްދައި، ތިމާވެށީގެ ނިޒާމުތައް ރައްކާތެރިކުރުމުގެ މުހިންމުކަމާ މެދު ހޭލުންތެރިކަން އިތުރުކުރުމެވެ.

މިއީ ހަމައެކަނި ދައްކާލުމެއް ނޫނެވެ. މިއީ ޢަމަލީ ގޮތުން މަސައްކަތް ފެށުމަށް ގޮވާލާ ގޮވާލުމެކެވެ. މީގެ މަޤްޞަދަކީ މުޖުތަމަޢު ބާރުވެރިކުރުވައި، ބައިވެރިވުންތައް އުފައްދައި، ނ. އަތޮޅުގެ ދެމެހެއްޓެނިވި މުސްތަޤްބަލަކަށްޓަކައި މިފަދަ ޙައްލުތައް ފުޅާކުރުމެވެ. އެންމެން ގުޅިގެން، އަޅުގަނޑުމެންގެ ވަށައިގެންވާ އަގުނުކުރެވޭ ފަދަ ޤުދުރަތީ ވަސީލަތްތައް އާލާކޮށް ރައްކާތެރިކުރެވިދާނެއެވެ. ތިމާވެށި އާލާކުރުމުގެ މުސްތަޤްބަލު ޢަމަލީ ގޮތުން ބައްލަވާލެއްވުމަށާއި، އެންމެންނަށްޓަކައި ދެމެހެއްޓެނިވި އަދި ރައްކާތެރި މުސްތަޤްބަލެއް ބިނާކުރުމުގައި ބައިވެރިވުމަށް ދަޢުވަތު އަރުވަމެވެ.

,

މި ހަރަކާތްތަކުގެ ތެރޭގައި އަމަލީ މަސައްކަތްތަކާއި ތަމްރީނު ސެޝަންތަކާއި، މައުލޫމާތު ދިނުމުގެ ސެޝަންތަކުގެ އިތުރުން އިންޓަރެކްޓިވް ވޯކްޝޮޕްތައް ހިމެނޭނެއެވެ. އަމަލީ ތަޖުރިބާ ހޯއްދަވައި، މި ދާއިރާގެ މާހިރުންގެ ފަރާތުން އަގުހުރި މައުލޫމާތުތަކެއް އުނގެނިވަޑައިގަންނަވާށެވެ. އިކޯސިސްޓަމްތައް އިއާދަކުރުމުގެ މުހިންމުކަމާއި، ދެމެހެއްޓެނިވި އަދި ތަހައްމަލުކުރެވޭ މުސްތަގުބަލެއް ބިނާކުރުމުގައި އެކަމުގެ ދައުރާ ބެހޭގޮތުން ތިޔަބޭފުޅުންގެ ހޭލުންތެރިކަން އިތުރުކުރައްވާށެވެ. ނޫނު އަތޮޅުގެ ރައްޔިތުންނަށާއި އެހެނިހެން ފަރާތްތަކަށް މި ހަރަކާތުގައި ބައިވެރިވެ، ތިމާވެށީގެ ދެމެހެއްޓެނިވި މުސްތަގުބަލެއް ބިނާކުރުމުގައި އަމަލީގޮތުން ހިއްސާވުމަށް އަޅުގަނޑުމެން ހޫނު މަރުހަބާއެއް ކިޔަމެވެ. އެންމެން ގުޅިގެން ހެޔޮ ބަދަލަކަށް މަގުފަހިކޮށް، ފެހި މާދަމާއެއް ބިނާކުރަމާ ހިނގާށެވެ.

ބައިވެރިވާނީ ކޮންބައެއް؟

މި ހަރަކާތަކީ ހާއްސަކޮށް ދަރިވަރުންނާއި، ރަށު ކައުންސިލްތަކުގެ އިސްވެރިންނާއި، އާންމު ރައްޔިތުންނާއި، މަދަނީ ޖަމިއްޔާތަކުގެ އިތުރުން ސަރުކާރުގެ މުއައްސަސާތަކަށް އަމާޒުކޮށްގެން ބާއްވާ ހަރަކާތެކެވެ. މިއީ ނޫނު އަތޮޅާއި މުޅި ރާއްޖޭގެ ތިމާވެށި ރައްކާތެރިކުރުމަށާއި، ދިރުންތަކުގެ މުއްސަނދިކަން ދެމެހެއްޓުމަށާއި، ދެމެހެއްޓެނިވި ތަރައްގީއަށް މަސައްކަތްކުރާ ކޮންމެ ފަރާތަކަށްވެސް ނުހަނު މުހިންމު ބައްދަލުވުމެކެވެ.

އިޖުތިމާއީ ގުޅުން ބަދަހިކުރުމަށާއި ތިމާވެށީގެ ދެމެހެއްޓެނިވިކަން ކުރިއެރުވުމަށް ފަރުމާކުރެވިފައިވާ، ޝައުގުވެރި އަދި މައުލޫމާތުން ފުރިގެންވާ މި ހަރަކާތްތަކުގައި ބައިވެރިވުމަށް ތިޔަބޭފުޅުންނަށް އިހުލާސްތެރިކަމާއެކު ދައުވަތު އަރުވަމެވެ. މި ހަރަކާތްތައް ކުރިއަށްދާނީ ޑިސެމްބަރު 9 އިން 16 އަށް، ވެލިދޫ، މާފަރު އަދި ކެނދިކުޅުދޫގައެވެ. މިއީ އިކޯސިސްޓަމްތައް އިއާދަކުރުމުން ލިބޭ ހެޔޮ ބަދަލުތައް އަމަލީގޮތުން ބަލާލުމަށް ނޫނު އަތޮޅުގެ ރައްޔިތުންނަށް ލިބޭ ހާއްސަ ފުރުސަތެކެވެ. އެކި ރަށްރަށުގައި މި ހަރަކާތްތައް ކުރިއަށް ގެންދިއުމުގެ މަގުސަދަކީ، ވީހާވެސް ގިނަ ބަޔަކަށް މިކަމުގައި ބައިވެރިވުމުގެ ފުރުސަތު ދީ، ދެމެހެއްޓެނިވި އުސޫލުތަކުން ހާސިލުކުރެވޭނެ ރަނގަޅު ނަތީޖާތައް ދައްކުވައިދިނުމެވެ.

މި ހަރަކާތްތަކުގައި ބައިވެރިވުމާ ގުޅޭ އިތުރު މައުލޫމާތު ހޯއްދެވުމަށް، ތިރީގައިވާ ފޯކަލް ޕޮއިންޓްތަކާ ގުޅުއްވުން އެދެމެވެ. އެ ފަރާތްތަކުން ބައިވެރިވުމަށް ބޭނުންވާ ހުރިހާ ތަފްސީލެއް ފޯރުކޮށްދޭނެއެވެ. މުހައިމިން 9777066، މާޒިން 7228707، ބައޯކަލޯ (ޖަމިއްޔާ)، ވެލިދޫ: އަބްދުﷲ އަލީ 7901573، މާފަރު: އަމީނާ މުހައްމަދު 9969919، ކެނދިކުޅުދޫ: މުހައްމަދު ހުޒާމް (އެސް.ޖީ) 7619622