ބީލަމަށް ދަޢުވަތު - އާބަން ޕްލޭނިންގ ކޮންސަލްޓަންޓް

ނޫނު އަތޮޅު ކައުންސިލްގެ ފަރާތުން، "ރީއިމޭޖިން ނޫނު ބިނާވެށި" މަޝްރޫޢުގެ ދަށުން ކުރިއަށްގެންދާ މުހިންމު މަސައްކަތްތަކެއް ކުރުމަށް ބޭނުންވާ ފަރާތްތައް ހޯދުމަށް އިޢުލާން ކުރަމެވެ. މި މަޝްރޫޢަކީ ނޫނު އަތޮޅުގެ ރަށްތަކުގެ ދެމެހެއްޓެނިވި ތަރައްޤީއަށާއި، ބިމުގެ ވަސީލަތްތަކުގެ ބޭނުން އެންމެ ފުރިހަމަ ގޮތުގައި ހިފުމަށާއި، އަތޮޅުގެ ރައްޔިތުންގެ ބޭނުންތަކަށް ރިޢާޔަތްކޮށް އެކުލަވައިލެވޭ "އަތޮޅު ލޭންޑް ޔޫސް ޕްލޭން" (އަތޮޅު ބިން ބޭނުންކުރާނެ ގޮތުގެ ޕްލޭން) އެކުލަވައިލުމަށް ހިންގޭ މަޝްރޫޢެކެވެ. މި ތަޞައްވުރު ޙަޤީޤަތަކަށް ހެދުމަށްޓަކައި، މި މަޝްރޫޢު ކުރިއަށް ގެންދިއުމުގައި އިސް ދައުރެއް އަދާކުރާނެ އާބަން ޕްލޭނިންގ ލީޑް ކޮންސަލްޓަންޓް ގެ މަޤާމަށް ބިޑް ހުށަހެޅުމުގެ ފުރުޞަތު ހުޅުވާލަމެވެ.

މަޝްރޫޢުގެ ޚުލާޞާ

ހޮވޭ ކޮންސަލްޓަންޓް މަސައްކަތް ކުރާނީ ނޫނު އަތޮޅު ކައުންސިލާއި، އެކި ދާއިރާތަކުގެ މާހިރުން ހިމެނޭ ޓީމަކާ ގުޅިގެންނެވެ. މި ޓީމުން ތިރީގައިވާ މުހިންމު ނަތީޖާތައް ޙާޞިލުކުރަންވާނެއެވެ:

1. މުޖުތަމަޢުގެ ބޭނުންތައް ދެނެގަތުމަށް ފުރިހަމަ އެސެސްމަންޓެއް ހެދުން.
2. "ރެސިލިއަންޓް އައިލެންޑްސް އެންޑް އަތޮޅު ފްރޭމްވޯކް" (ލޮޅުންތަކަށް ކެތްކުރެވޭނެ ރަށްތަކާއި އަތޮޅުގެ އޮނިގަނޑު) އެކުލަވައިލުން.
3. ރަސްމީ "އަތޮޅު ލޭންޑް ޔޫސް ޕްލޭން" (LUP) ތައްޔާރުކުރުން.

މި ޕްލޭނަކީ ހުރިހާ ދާއިރާއަކަށް ރިޢާޔަތްކޮށް ތައްޔާރުކުރެވޭ ޕްލޭނަކަށް ހެދުމަށްޓަކައި، ކޮންސަލްޓެންސީ ޓީމުގައި ތިރީގައިވާ ދާއިރާތަކުގެ މާހިރުން ހިމެނޭނެއެވެ:

• އިޤްތިޞާދީ އަދި އިޖުތިމާޢީ ޢިލްމު (Economy & Social Sciences)
• ޤާނޫނީ އޮނިގަނޑު (Legal Framework)
• ދަތުރުފަތުރާއި ލޮޖިސްޓިކްސް (Transport & Logistics)
• ސާވޭކުރުން (Surveying)

މި މާހިރުންގެ ފަރާތުން ލިބޭ މަޢުލޫމާތާއި ދިރާސާތަކުގެ އެހީގައި، އެކުލަވައިލެވޭ ލޭންޑް ޔޫސް ޕްލޭނަކީ ހަރުދަނާ، ހުރިހާ ފަރާތްތަކެއް ޝާމިލުވާ، އަދި އަތޮޅުގެ ތަފާތު ބޭނުންތަކަށް ފެތޭ ޕްލޭނެއްކަން ކަށަވަރުކުރެވޭނެއެވެ.

މަސައްކަތުގެ ދާއިރާއާއި ހުށަހަޅަންޖެހޭ ތަކެތި

ކޮންސަލްޓެންސީގެ ކޮންމެ ދައުރަކަށް ކަނޑައެޅިފައިވާ ތަފްޞީލީ މަސައްކަތްތަކާއި ޒިންމާތައް "ޓާމްސް އޮފް ރިފަރެންސް" (TOR) ލިޔުމުގައި ބަޔާންކުރެވިފައިވާނެއެވެ. ޝައުޤުވެރިވާ ކޮންސަލްޓަންޓުން ޕްރޮޕޯޒަލް ހުށަހެޅުމުގެ ކުރިން TOR ރަނގަޅަށް ދިރާސާކުރުމަށް އެދެމެވެ.

މަސައްކަތުގެ މެތޮޑޮލޮޖީގައިވާ ގޮތުގެ މަތިން ނޫނު އަތޮޅަށް ކުރަންޖެހޭ ދަތުރުތަކުގެ ޓިކެޓާއި، ހުރުމާއި، ކެއުމުގެ ޚަރަދުތައް (އަތޮޅު ކައުންސިލުން ހުއްދަދޭ ގޮތެއްގެ މަތިން) ހަމަޖައްސާނީ ނޫނު އަތޮޅު ކައުންސިލުންނެވެ. އެހެންކަމުން، މި ޚަރަދުތައް ކޮންސަލްޓަންޓް ހުށަހަޅާ އަގުގެ ތެރޭގައި ހިމަނައިގެން ނުވާނެއެވެ. ކޮންސަލްޓަންޓުން އަގު ހުށަހަޅަންވާނީ ތިރީގައިވާ މަސައްކަތްތަކަށެވެ:

މި މަޝްރޫޢުގެ ދަށުން ނިންމަންޖެހޭ މަސައްކަތްތަކާއި، އެ މަސައްކަތްތަކަށް ދިވެހި ރުފިޔާ (MVR) އިން ހުށަހަޅާ އަގުތައް ތިރީގައިވާ ތަރުތީބުން ހިމަނަންވާނެއެވެ:

1. މަޝްރޫޢު ކުރިއަށްގެންދާނެ ފައިނަލް މެތޮޑޮލޮޖީ
2. މުޖުތަމަޢުގެ ބޭނުންތައް ދެނެގަތުމުގެ އެސެސްމަންޓް
3. މަސައްކަތުގެ މައިގަނޑު އުޞޫލުތައް (Guiding Principles) ބަލައިގަތުން
4. "ރެސިލިއަންޓް އައިލެންޑްސް އެންޑް އަތޮޅު ފްރޭމްވޯކް" އެކުލަވައިލުން
5. މިހާރު ހުރި ވަސީލަތްތަކާއި ބިން ބޭނުންކުރާ ގޮތުގެ އިވެލުއޭޝަން
6. އިދާރީ އޮނިގަނޑު (Administrative Framework) އެކުލަވައިލުން
7. އަތޮޅު ލޭންޑް ޔޫސް ޕްލޭން އެކުލަވައިލުން
8. އިންޓެގްރޭޓެޑް އަތޮޅު ޑިވެލޮޕްމަންޓް ފޯރަމް

,

ނޯޓް: ވަކި ޚާއްޞަ ދާއިރާތަކަށް ކުރިމަތިލާ ކޮންސަލްޓަންޓުން އަގު ހުށަހަޅަންވާނީ އެ ބޭފުޅެއްގެ ތަޖުރިބާއާ ގުޅޭ މަސައްކަތްތަކަށް (deliverables) އެކަންޏެވެ.

ބިޑް ކުރުމުގެ މަރުހަލާ

މުހިންމު ތާރީޚުތަކާއި ވަގުތުތައް

1. ރަޖިސްޓްރީވުން – 18 އިން 30 ޑިސެމްބަރު 2024 އަށް، 13:00 ގެ ކުރިން

   1. މައުލޫމާތު ސާފުކުރުމުގެ ސެޝަން – 31 ޑިސެމްބަރު 2024، 13:00 ގައި

   2. އިތުރު މައުލޫމާތު ސާފުކުރުން – 1 އިން 4 ޖެނުއަރީ 2025 އަށް، 13:00 ގެ ކުރިން

   3. ބިޑް ހުށަހަޅަންޖެހޭ ސުންގަޑި – 8 ޖެނުއަރީ 2025، 13:00 ގައި

   ބިޑްގައި ބައިވެރިވާން އެދޭ ފަރާތްތަކުން މި ފޯމު ފުރިހަމަކުރައްވައިގެން ރަޖިސްޓްރީ ކުރެވޭނެއެވެ. މައުލޫމާތު ސާފުކުރުމުގެ ސެޝަން ކުރިއަށްދާނީ އޮންލައިންކޮށެވެ. ރަޖިސްޓްރީވުމުން، ބައްދަލުވުމުގެ ލިންކާއެކު ކަށަވަރުކުރުމުގެ އީމެއިލެއް ފޮނުވޭނެއެވެ.

   ބިޑް ހުޅުވުމުގެ މަރުހަލާ

   ބިޑް ހުޅުވުން އޮންނާނީ 8 ޖެނުއަރީ 2025 ވާ ބުދަ ދުވަހުގެ 13:00 ގައި، ބިޑް ހުށަހަޅާ ފަރާތްތަކުގެ ހާޒިރުގައެވެ. ބިޑް ހުޅުވުން ކުރިއަށްދާނީ ނ. އަތޮޅު ކައުންސިލް އިދާރާގައެވެ (ނ. މަނަދޫ، ދިވެހިރާއްޖެ). އީމެއިލް މެދުވެރިކޮށް ހުށަހަޅާ ބިޑްތައް ބަލައެއް ނުގަނެވޭނެއެވެ. ހުރިހާ ލިޔެކިޔުންތަކެއް ހުންނަންވާނީ ބަންދުކުރެވިފައިވާ އެއް ސިޓީއުރައެއްގައެވެ. ސިޓީއުރައިގެ ބޭރުގައި ކުންފުނީގެ ނުވަތަ ފަރުދީ ނަމާއި ޓެންޑަރ ރިފަރެންސް ނަންބަރު ލިޔެފައި އޮންނަންވާނެއެވެ.

   ބިޑް ބާތިލުވާނެ ސަބަބުތައް

   1. ރަޖިސްޓްރީ ނުކުރާ ފަރާތްތަކަށް ބިޑް ހުޅުވުމުގެ މަރުހަލާގައި ބައިވެރިއެއް ނުވެވޭނެއެވެ.

      1. މައުލޫމާތު ސާފުކުރުމުގެ ސެޝަނަށް ހާޒިރުވުމަކީ މަޖުބޫރު ކަމެކެވެ. ހާޒިރުނުވާ ފަރާތްތަކުގެ ބިޑް ބަލައެއް ނުގަނެވޭނެއެވެ.

      2. ސުންގަޑި ހަމަވުމަށްފަހު ހުށަހަޅާ ބިޑްތައް ބާތިލުކުރެވޭނެއެވެ.

      3. ހުށަހަޅަންޖެހޭ ލިޔެކިޔުންތަކުގެ ތެރެއިން އެއްވެސް ލިޔުމެއް މަދުނަމަ ބިޑް ބާތިލުކުރެވޭނެއެވެ.

      ހުށަހަޅަންޖެހޭ ތަކެތި

      ޝައުގުވެރިވާ ކޮންސަލްޓަންޓުން ނުވަތަ ކުންފުނިތަކުން ޕްރޮޕޯސަލްއާއެކު ތިރީގައިވާ ތަކެތި ހުށަހަޅަންވާނެއެވެ:

      1. ޓެކްނިކަލް ޕްރޮޕޯސަލް

         • ކުރިމަތިލާ ދާއިރާތަކުގެ މަސައްކަތްތައް ކުރިއަށްގެންދާނެ ތަފްސީލީ ގޮތްތަކާއި އުސޫލުތައް (Methodology).

           • މަސައްކަތުގެ ތަފްސީލީ ތާވަލާއި ވަގުތު ކަނޑައެޅިފައިވާ ގޮތް.

           • ކޮންސަލްޓިންގ ޓީމުގައި ހިމެނޭ މެންބަރުންގެ ތަފްސީލު (ޓީމެއްގެ ގޮތުގައި ހުށަހަޅާނަމަ).

           2. ފިނޭންޝަލް ޕްރޮޕޯސަލް

           • ފުރިހަމަކޮށްފައިވާ 'ޑެލިވަރަބަލްސް ޓޭބަލް ފޯ ފީ ޕްރޮޕޯސަލް' (ގުޅުންހުރި ހުރިހާ މަސައްކަތްތަކަށް ހުށަހަޅާ އަގުތަކާއެކު).

             3. ތައުލީމީ ފެންވަރާއި ތަޖުރިބާ

             • މުހިންމު މުވައްޒަފުންގެ ސީވީ (CV).

               • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ.

               • ކުރިން މަސައްކަތް ކޮށްދީފައިވާ ފަރާތްތަކުގެ ރެފަރެންސް.

                 ,

               4. ޤާނޫނީ އަދި އިދާރީ ލިޔެކިޔުންތައް

               • ޖަމްޢިއްޔާ ނުވަތަ ކުންފުނީގެ ރަޖިސްޓްރޭޝަން ލިޔެކިޔުންތައް (އަދާކުރަންޖެހޭނަމަ).

                 • މުއްދަތު ހަމަނުވާ ޖީ.އެސް.ޓީ ރަޖިސްޓްރޭޝަން ސެޓުފިކެޓު (އަދާކުރަންޖެހޭނަމަ).

                 • މުއްދަތު ހަމަވުމަށް 6 މަސްދުވަސް އޮތް ޓެކްސް ކްލިއަރެންސް ރިޕޯޓު (އަދާކުރަންޖެހޭނަމަ).

                 • ގުޅޭނެ މަޢުލޫމާތު (ނަން، މަޤާމު، ފޯނު ނަންބަރު، އީމެއިލް).

                 • ޓެކްސް ކޮމްޕްލަޔަންސް ސެޓުފިކެޓު (އަދާކުރަންޖެހޭނަމަ).

                 އިވެލުއޭޝަން ކްރައިޓީރިއާ (ވަޒަންކުރާނެ މިންގަނޑު)

                 ޕްރޮޕޯޒަލްތައް އިވެލުއޭޓް ކުރެވޭނީ އަންނަނިވި ކަންކަމަށް ބަލައިގެންނެވެ:

                 1. ޓެކްނިކަލް ޕްރޮޕޯޒަލް (40%)

                    • މަޝްރޫޢުގެ މަޤްޞަދުތަކާއި ކަނޑައެޅިފައިވާ މަސައްކަތުގެ ދާއިރާ (ސްކޯޕް) ދެނެގަނެވިފައިވާ މިންވަރު.

                      • ހުށަހަޅާފައިވާ މެތޮޑޮލޮޖީ އާއި މަސައްކަތުގެ ތާވަލުގެ ފެންވަރާއި އެކަން ކުރެވިދާނެ މިންވަރު.

                      2. ޤާބިލުކަމާއި ތަޖުރިބާ (30%)

                      • މިފަދަ މަޝްރޫޢުތަކުގައި ހުރި ތަޖުރިބާ.

                        • މަސައްކަތަށް ހުށަހަޅާފައިވާ ފަރާތްތަކުގެ ނުވަތަ ޓީމުގެ ހުނަރާއި ތަޖުރިބާ.

                        3. ފިނޭންޝަލް ޕްރޮޕޯޒަލް (20%)

                        • ޚަރަދަށް ބަލާއިރު އެކަށީގެންވާ އަގަކަށްވުމާއި، އަގާ އެކަށީގެންވާ ފެންވަރުގެ ޚިދުމަތެއް ލިބުން.

                          4. ރެފަރެންސް އަދި ކުރީގެ މަސައްކަތްތައް (10%)

                          • ކުރީގެ ކްލައިންޓުންގެ ފަރާތުން ލިބިފައިވާ ޚިޔާލުތައް.

                            • މިފަދަ މަސައްކަތްތަކުގެ ޕޯޓްފޯލިއޯ ހުށަހެޅުން.

                            ތިޔަ ފަރާތްތަކުގެ ބިޑުތައް ލިބުމަށާއި، ހުނަރުވެރި ފަންނީ ފަރާތްތަކާ ގުޅިގެން “ރީއިމޭޖިން ނޫނު ބިނާވެށި” މަޝްރޫޢު ކާމިޔާބުކަމާއެކު ކުރިއަށް ގެންގޮސް، ނޫނު އަތޮޅަށް ދެމެހެއްޓެނިވި ތަރައްޤީއެއް ހޯދައިދިނުމަށް އަޅުގަނޑުމެން އުންމީދު ކުރަމެވެ.