ބީލަމަށް ދަޢުވަތު: ނ. އަތޮޅުގައި ކޯރސް ސަރވޭކުރުމުގެ ނިޒާމެއް ޤާއިމްކުރުން

ނ. އަތޮޅު ޖީ.އެން.އެސް.އެސް (GNSS) އަދި ސީ.އޯ.އާރް.އެސް (CORS) ސާވޭއިން ސިސްޓަމް މަޝްރޫޢަކީ، ޖީ.އެން.އެސް.އެސް އަދި ސީ.އޯ.އާރް.އެސް ޓެކްނޮލޮޖީ ބޭނުންކޮށްގެން ނޫނު އަތޮޅުގެ ބިން ބޭނުންކުރާނެ ގޮތުގެ ޕްލޭންތައް އެކުލަވައިލުމާއި، އިންފްރާސްޓްރަކްޗަރ ތަރައްޤީކުރުމާއި، އަދި ގުދުރަތީ ވަސީލަތްތައް ބެލެހެއްޓުމަށް އެހީތެރިވުމަށް ކުރިއަށްގެންދާ މަޝްރޫޢެކެވެ.

މަޝްރޫޢުގެ ޚުލާސާ

މަޤްޞަދު:
ގްލޯބަލް ނެވިގޭޝަން ސެޓެލައިޓް ސިސްޓަމް (GNSS) އަދި ކޮންޓިނިއުއަސްލީ އޮޕަރޭޓިންގ ރިފަރެންސް ސްޓޭޝަން (CORS) ޓެކްނޮލޮޖީގެ އެހީގައި، ނޫނު އަތޮޅުގެ ބިން ބޭނުންކުރާނެ ގޮތުގެ ޕްލޭންތައް އެކުލަވައިލުމަށާއި އިންފްރާސްޓްރަކްޗަރ މަޝްރޫޢުތަކަށް އިތުބާރުހުރި، ދެމެހެއްޓެނިވި އަދި ހަރުދަނާ ނިޒާމެއް ގާއިމުކުރުމެވެ. ޖީ.އެން.އެސް.އެސް މެދުވެރިކޮށް ބިމުގެ އިންތައް ކަނޑައެޅުމަށާއި، ގިރާ ސަރަޙައްދުތައް ބެލުމަށާއި، އަދި އަތޮޅުގެ ރަށްރަށަށް އަންނަ ތިމާވެށީގެ ބަދަލުތައް ދެނެގަތުމަށް ބޭނުންވާ ސީދާ މިންތައް ލިބިގެންދާނެއެވެ. ސީ.އޯ.އާރް.އެސްގެ ސަބަބުން މަގުތަކާއި އިމާރާތްތައް ފަދަ އިންފްރާސްޓްރަކްޗަރ ފަރުމާކުރުމަށް ބޭނުންވާ އެންމެ ސައްޚަ ޖިއޯސްޕޭޝަލް ޑޭޓާ ވަގުތުން ލިބި، އުސްމިނާއި ފެންބޮޑުވުމުގެ މޮޑެލްތަކަށް ބޭނުންވާ ރިފަރެންސް ޕޮއިންޓްތައް ފޯރުކޮށްދީ، ކާރިސީ ނުރައްކާތައް މެނޭޖުކުރުމަށް މަގުފަހިވާނެއެވެ. މީގެ އިތުރުން، ބިން ބޭނުންކުރާ ގޮތުގެ ފޯމެޓްތައް ދެނެގަނެ، ދެމެހެއްޓެނިވި ތަރައްޤީގެ ނިންމުންތައް ނިންމުމުގައި މި ސިސްޓަމް އެހީތެރިވެދޭނެއެވެ.

މަސައްކަތުގެ ދާއިރާ:

• މަދުވެގެން 10 އަހަރު ދުވަހުގެ މުއްދަތަށް ޖީ.އެން.އެސް.އެސް އަދި ސީ.އޯ.އާރް.އެސް ސާވޭއިން ސިސްޓަމް ސަޕްލައިކޮށް، އިންސްޓޯލްކޮށް، ހިންގައި ބެލެހެއްޓުން.

  މުހިންމު ސިފަތައް

  • ނޫނު އަތޮޅު ކައުންސިލް އިދާރާގައި ކޮންޓިނިއުއަސްލީ އޮޕަރޭޓިންގ ރިފަރެންސް ސްޓޭޝަން (CORS) އެއް ބިނާކުރުން.

    • ކައުންސިލް އިދާރާއިން ފެށިގެން މަދުވެގެން 25 ކިލޯމީޓަރުގެ ރޭޑިއަސްއެއްގައި މަސައްކަތްކުރާ ޖީ.އެން.އެސް.އެސް ރިސީވަރެއް ހަރުކުރުން.

    • ޖަދުވަލު ބީ (Appendix B) ގައިވާ ފަންނީ މިންގަނޑުތަކަށް ފެތުން.

    • ޖީ.އައި.އެސް (GIS)، ޖީ.ޕީ.އެސް (GPS) އަދި ގުޅުންހުރި ގަވަރނަންސް ސިސްޓަމްތަކާ ގުޅުވައިލުން.

    • އިދާރީ މަސައްކަތްތަކަށާއި ހުއްދަދެވިފައިވާ ބޭރުގެ ފަރާތްތަކަށް ރައްކާތެރިކަމާއެކު ޑޭޓާ ހިއްސާކުރެވޭނެ އިންތިޒާމު ހަމަޖެއްސުން.

    ފޯރުކޮށްދޭންޖެހޭ ތަކެއްޗާއި ޚިދުމަތްތައް

    • ބޭނުންވާ ހުރިހާ ސާމާނަކާއެކު ފުރިހަމައަށް މަސައްކަތްކުރާ ޖީ.އެން.އެސް.އެސް އަދި ސީ.އޯ.އާރް.އެސް ސާވޭއިން ސިސްޓަމެއް.

      • ރަށު ފެންވަރުގައި މަސައްކަތް ކުރުމަށް ބޭނުންވާ ހޭންޑްހެލްޑް ޖީ.ޕީ.އެސް ސިސްޓަމެއް.

      • މުވައްޒަފުންނަށް ބޭނުންވާ ތަމްރީނު ސެޝަންތަކާއި ޔޫޒަރ މެނުއަލްތައް.

      • 10 އަހަރުގެ ކޮންޓްރެކްޓް މުއްދަތުގައި ރިމޯޓް މޮނިޓަރިންގ، ޓްރަބަލްޝޫޓިންގ އަދި ފާމްވެއަރ އަޕްޑޭޓްތައް ހިމެނޭގޮތަށް ސަޕޯޓް ސަރވިސް ފޯރުކޮށްދިނުން.

      ޕާޓްނަރޝިޕް މޮޑެލް

      މި މަޝްރޫޢު ކުރިއަށްދާނީ ނޫނު އަތޮޅު ކައުންސިލާއި ހޮވޭ ސަރވިސް ޕްރޮވައިޑަރާ ދެމެދު އޮންނަ ހިއްސާވާ ޕާޓްނަރޝިޕް މޮޑެލްއެއްގެ ދަށުންނެވެ. ސިސްޓަމް އެކްސެސް ބަލަހައްޓާނީ ދެފަރާތް ގުޅިގެންނެވެ. އަދި ތިންވަނަ ފަރާތްތަކުން ސިސްޓަމް ބޭނުންކޮށްގެން ލިބޭ އާމްދަނީ ހިއްސާކުރާނީ، ދެފަރާތުގެ ޒިންމާތަކާއި އާމްދަނީ ބަހާނެ ގޮތުގެ ތަފްސީލު ހިމެނޭ އެއްބަސްވެފައިވާ އޮނިގަނޑެއްގެ ދަށުންނެވެ.

      މުހިންމު ތާރީޚުތައް

      • ރަޖިސްޓްރޭޝަން ހުޅުވާލުން: 20 ފެބްރުއަރީ 2025، 14:00 ގައި

        • ރަޖިސްޓްރޭޝަން ބަންދުވުން: 24 ފެބްރުއަރީ 2025، 13:00 ގައި

        • ,

          މައުލޫމާތު ސާފުކުރުމުގެ ސެޝަން: 25 ފެބްރުއަރީ 2025، 14:00 ގައި (ޓީމްސް މެދުވެރިކޮށް)

        • ސުވާލުތަކަށް ޖަވާބުދިނުން: 26 ފެބްރުއަރީ 2025، 14:00 ގައި

        • ބިޑް ހުށަހެޅުމުގެ ސުންގަޑި: 1 މާރިޗު 2025، 14:00 ގައި

        • ހޮވުނު ފަރާތް އެންގުން: 5 މާރިޗު 2025، 14:00 ގައި

        • ޝަކުވާ ހުށަހެޅުމުގެ ސުންގަޑި: 8 މާރިޗު 2025، 14:00 ގައި

        • މަސައްކަތް ހަވާލުކުރުން: 10 މާރިޗު 2025

        ޕޮއިންޓް ދޭނެ އުސޫލު

        ޕްރޮޕޯޒަލްތައް އިވޭލުއޭޓް ކުރެވޭނީ އަންނަަނިވި ކަންކަމަށް ބަލައިގެންނެވެ:

        • އަގު (70%): އެންމެ ކުޑަ އަގު ހުށަހަޅާ ފަރާތަށް ރެފަރެންސްކޮށް އެހެން ފަރާތްތަކަށް ޕޮއިންޓް ދެވޭނެއެވެ.

          • ތަޖުރިބާ (30%): މިފަދަ މަސައްކަތްތަކުގެ ތަޖުރިބާއަށް ބަލައި، ރެފަރެންސް ސިޓީތަކާއި ފަންނީ ގާބިލުކަމަށް ޕޮއިންޓް ދެވޭނެއެވެ.

          ހުށަހަޅަންޖެހޭ ލިޔެކިޔުންތައް

          • ބިޑް ހުށަހަޅާ ފޯމު (ޖަދުވަލު އޭ)

            • ކުރިން ކޮށްފައިވާ މަސައްކަތްތަކުގެ ތަޖުރިބާގެ ލިޔުން/ރެފަރެންސް ސިޓީ

            • ޓެކްސް ކްލިއަރެންސް ސެޓްފިކެޓް

            • ވިޔަފާރި ރަޖިސްޓްރީގެ ކޮޕީ

            ހުށަހަޅާނެ ގޮތުގެ ތަފްސީލު

            ޝައުގުވެރިވާ ފަރާތްތަކުން މި ރަޖިސްޓްރޭޝަން ލިންކް މެދުވެރިކޮށް ރަޖިސްޓްރީ ކުރަންވާނެއެވެ. މަޖުބޫރު މައުލޫމާތު ސެޝަންގައި ބައިވެރިވެވޭނީ ހަމައެކަނި ރަޖިސްޓްރީކުރާ ފަރާތްތަކަށެވެ. ޕްރޮޕޯޒަލްތައް ހުށަހަޅަންވާނީ ކަނޑައެޅިފައިވާ ތަނަށް، ސުންގަޑީގެ ކުރިންނެވެ. ހޮވުނު ފަރާތްތަކުގެ ނަތީޖާ ހިއްސާކުރެވޭނީ ސްކޯރިންގް ޝީޓެއް މެދުވެރިކޮށެވެ.

            ނޫނު އަތޮޅުގެ ތަރައްގީއަށް ބޭނުންވާ މައުލޫމާތު އެއްކުރުމުގެ މި މަޝްރޫއުގައި ބައިވެރިވުމުގެ ފުރުސަތު ޚިދުމަތް ފޯރުކޮށްދޭ ފަރާތްތަކަށް ހުޅުވާލަމެވެ. އިތުރު މައުލޫމާތު ހޯއްދެވުމަށް ވެބްސައިޓަށް ޒިޔާރަތްކުރައްވާ ނުވަތަ އަޅުގަނޑުމެންނާ ގުޅުއްވާށެވެ.

            ގުޅޭނެ މައުލޫމާތު

            • ފޯނު ނަންބަރު: 6560012 ނުވަތަ 6560028

              • އީމެއިލް އެޑްރެސް: info@noonu.gov.mv