ބީލަމަށް ދަޢުވަތު - އަލުން އިޢުލާން: އެކްސްޓަރނަލް އޮޑިޓް ޚިދުމަތް ފޯރުކޮށްދިނުން

ތަޢާރަފު

ނޫނު އަތޮޅު އެލް.އޭ.ސީ ލިމިޓެޑަކީ ދިވެހިރާއްޖޭގެ ކުންފުންޏާބެހޭ ޤާނޫނު (07/2023) ގެ ދަށުން 2023 ވަނަ އަހަރު އުފައްދާފައިވާ، ނޫނު އަތޮޅު ކައުންސިލްގެ ސައްތަ އިންސައްތަ ހިއްސާ އޮންނަ ކުންފުންޏެކެވެ. މި ކުންފުނީގެ މަޤްޞަދުތަކުގެ ތެރޭގައި ފަތުރުވެރިކަން ތަރައްޤީކުރުން، އިއާދަކުރަނިވި ހަކަތަ، ދަނޑުވެރިކަން، ކުނި މެނޭޖްކުރުމާއި ރީސައިކަލްކުރުން، ޔުޓިލިޓީ ޚިދުމަތްތައް، އަދި ނޫނު އަތޮޅު ކައުންސިލުން ހަވާލުކުރާ އެހެނިހެން މަޝްރޫޢުތަކާއި މަސައްކަތްތައް ހިމެނެއެވެ.

މަޤްޞަދު

މި މަސައްކަތުގެ މަޤްޞަދަކީ، 31 ޑިސެމްބަރު 2023 އަދި 31 ޑިސެމްބަރު 2024 އަށް ނިމުނު މާލީ އަހަރުތަކުގެ ނޫނު އަތޮޅު އެލް.އޭ.ސީ ލިމިޓެޑްގެ މާލީ ބަޔާންތަކުގެ ސައްހަކަމާއި ފުރިހަމަކަމާ މެދު ގޮތެއް ނިންމައި ރިޕޯޓު ތައްޔާރުކުރުމަށް މިނިވަން އެކްސްޓަރނަލް އޮޑިޓަރެއް އައްޔަންކުރުމެވެ.

އޮޑިޓްގެ ދާއިރާ

އެކްސްޓަރނަލް އޮޑިޓް ކުރިއަށް ގެންދަންވާނީ މި އިޢުލާނާއެކު އެޓޭޗްކުރެވިފައިވާ ޓާރމްސް އޮފް ރިފަރެންސް (TOR) އާ އެއްގޮތްވާ ގޮތުގެ މަތިން، މަތީގައި ބަޔާންކުރެވިފައިވާ މުއްދަތުތަކުގެ މާލީ ބަޔާންތައް ބެލުމަށެވެ.

އޮޑިޓަރުގެ ޝަރުޠުތައް

ޝައުޤުވެރިވާ އޮޑިޓް ފާމްތަކަކީ ޓީ.އޯ.އާރް (TOR) ގައި ބަޔާންކޮށްފައިވާ އެންމެ މަދުވެގެން ފުރިހަމަވާންޖެހޭ ޝަރުޠުތަކާއި ފަންނީ ޝަރުޠުތައް ހަމަވާ ފަރާތްތަކަކަށް ވާންޖެހޭނެއެވެ.

ޕްރޮޕޯޒަލް ހުށަހެޅުމުގެ މިންގަނޑުތައް

ފާމްތަކުން ހުށަހަޅާ ޕްރޮޕޯޒަލަކީ ޓީ.އޯ.އާރް (TOR) ގައި ބަޔާންކޮށްފައިވާ ހުރިހާ ތަފްސީލުތަކެއް ހިމެނޭ ފުރިހަމަ ޕްރޮޕޯޒަލަކަށް ވާންޖެހޭނެއެވެ.

އިވެލުއޭޝަން ކްރައިޓީރިއާ

ފަރާތްތައް ހޮވުމުގައި ބަލާނީ ޓީ.އޯ.އާރް (TOR) ގައި ކަނޑައަޅާފައިވާ އިވެލުއޭޝަން ކްރައިޓީރިއާ އަށެވެ.

ހުށަހަޅަންޖެހޭ ގޮތުގެ އިރުޝާދު

ޝައުޤުވެރިވާ ފަރާތްތަކުން 10 އޮގަސްޓް 2025، 18:00 ގެ ކުރިން ދެވިފައިވާ ރެޖިސްޓްރޭޝަން ލިންކް މެދުވެރިކޮށް ރެޖިސްޓްރޭޝަން ފޯމް ފުރިހަމަކޮށް އީމެއިލް ކުރަންވާނެއެވެ.

ރެޖިސްޓްރޭޝަން ލިންކް

ނޯޓް: މި މުއްދަތުގެ ކުރިން ރެޖިސްޓްރީ ނުކުރާ ފަރާތްތަކަށް ބިޑްގައި ބައިވެރިވުމުގެ ފުރުޞަތެއް ނޯންނާނެއެވެ.

މުހިންމު ތާރީޚުތައް

• ރެޖިސްޓްރޭޝަން ހުޅުވާލުން: 10 އޮގަސްޓް 2025، 18:00 (އޮންލައިންކޮށް: ރެޖިސްޓްރޭޝަން ލިންކް މެދުވެރިކޮށް)

  • ރެޖިސްޓްރޭޝަން ބަންދުވުން: 17 އޮގަސްޓް 2025، 16:00

  • މަޢުލޫމާތު ސެޝަން: 18 އޮގަސްޓް 2025، 14:00 (ޓީމްސް މެދުވެރިކޮށް)

  • ސުވާލުތަކަށް ޖަވާބުދިނުން: 19 އޮގަސްޓް 2025، 16:00

  • ބިޑް ހުށަހެޅުމާއި ބިޑް ހުޅުވުން: 21 އޮގަސްޓް 2025، 14:00

  • ހޮވުނު ފަރާތް އެންގުން: 31 އޮގަސްޓް 2025

  • ,

    ޝަކުވާ ހުށަހެޅުމާއި އިސްތިއުނާފު ކުރުމުގެ ސުންގަޑި: 4 ސެޕްޓެމްބަރު 2025، 14:00 އެވެ.

  ޕޮއިންޓް ދޭނެ އުސޫލު

  • އަގު (80%) – އެންމެ ކުޑަ އަގު ހުށަހަޅާ ފަރާތަށް ރިފަރެންސްކޮށް އެހެން ބިޑްތަކަށް ޕޮއިންޓް ދެވޭނެއެވެ.

  • ތަޖުރިބާ (20%) – ގުޅުންހުރި މަޝްރޫޢުތަކުގެ ތަޖުރިބާއަށް ބަލައި، ރިފަރެންސް ސިޓީތަކާއި ދައްކާފައިވާ ހުނަރުވެރިކަމަށް ބިނާކޮށް ޕޮއިންޓް ދެވޭނެއެވެ.

  ހުށަހަޅަންޖެހޭ ލިޔެކިޔުންތައް

  • ކުންފުނީގެ ޕްރޮފައިލް

  • ބިޑް ހުށަހަޅާ ފަރާތުގެ ރިފަރެންސްތައް

  • މަސައްކަތުގެ ދާއިރާއާ (ސްކޯޕް އޮފް ވޯކް) ގުޅޭގޮތުން ހުރި ޚިޔާލާއި އިރުޝާދުތައް

  • މަސައްކަތް ކުރިއަށްގެންދާނެ ގޮތުގެ ތަފްސީލް (މެތޮޑޮލޮޖީ)

  • ޓީމުގައި ހިމެނޭ މެންބަރުންނާއި މަސައްކަތްތައް ބަހާލެވިފައިވާ ގޮތް

  • ހުށަހަޅާ އަގު

  • ބިޑް ޑޭޓާގައި ބަޔާންކޮށްފައިވާ އިތުރު ފޯމުތައް

  ޕްރޮޕޯޒަލް ހުށަހަޅާނެ ގޮތް

  ޕްރޮޕޯޒަލްތައް މަތީގައި ބަޔާންކޮށްފައިވާ ސުންގަޑީގެ ކުރިން hello@noonunaturally.com އަށް އީމެއިލް މެދުވެރިކޮށް ފޮނުވަންވާނެއެވެ.