ބީލަމަށް ދަޢުވަތު - އަލުން އިޢުލާން: އެކްސްޓަރނަލް އޯޑިޓް ޚިދުމަތް ފޯރުކޮށްދިނުން

ތަޢާރަފު

ނޫނު އަތޮޅު އެލް.އޭ.ސީ ލިމިޓެޑަކީ ދިވެހިރާއްޖޭގެ ކުންފުންޏާބެހޭ ޤާނޫނު (07/2023) ގެ ދަށުން 2023 ވަނަ އަހަރު އުފައްދާފައިވާ، ނޫނު އަތޮޅު ކައުންސިލްގެ ސައްތަ އިންސައްތަ ހިއްސާ އޮންނަ ކުންފުންޏެކެވެ. މި ކުންފުނީގެ މަސްއޫލިއްޔަތުތަކުގެ ތެރޭގައި ފަތުރުވެރިކަން ތަރައްޤީކުރުން، އިއާދަކުރަނިވި ހަކަތަ، ދަނޑުވެރިކަން، ކުނި މެނޭޖުކުރުމާއި ރީސައިކަލްކުރުން، ޔުޓިލިޓީ ޚިދުމަތްތައް، އަދި ނޫނު އަތޮޅު ކައުންސިލުން ހަވާލުކުރާ އެހެނިހެން މަޝްރޫޢުތަކާއި މަސައްކަތްތައް ހިމެނެއެވެ.

މަޤްޞަދު

މި މަސައްކަތުގެ މަޤްޞަދަކީ، 31 ޑިސެމްބަރު 2023 އަދި 31 ޑިސެމްބަރު 2024 އަށް ނިމުނު މާލީ އަހަރުތަކުގެ ނޫނު އަތޮޅު އެލް.އޭ.ސީ ލިމިޓެޑްގެ މާލީ ބަޔާންތަކުގެ ސައްހަކަމާއި ފުރިހަމަކަމާ މެދު ގޮތެއް ނިންމައި އެސެސްމަންޓެއް ތައްޔާރުކުރުމަށް މިނިވަން އެކްސްޓަރނަލް އޮޑިޓަރެއް އައްޔަންކުރުމެވެ.

އޮޑިޓްގެ ދާއިރާ

އެކްސްޓަރނަލް އޮޑިޓް ކުރިއަށް ގެންދަންވާނީ މި އިޢުލާނާއެކު އެޓޭޗްކުރެވިފައިވާ ޓާމްސް އޮފް ރިފަރެންސް (TOR) އާ އެއްގޮތްވާ ގޮތުގެ މަތިންނެވެ. އަދި މި އޮޑިޓްގައި މަތީގައި ބަޔާންކުރެވިފައިވާ މުއްދަތުތަކުގެ މާލީ ބަޔާންތައް ތަހުގީގުކޮށް ބެލުން ހިމެނެއެވެ.

އޮޑިޓަރުގެ ޝަރުޠުތައް

މި މަސައްކަތަށް ޝައުޤުވެރިވާ އޮޑިޓް ފާމްތަކަކީ TOR ގައި ބަޔާންކޮށްފައިވާ އެންމެ މަދުވެގެން ފުރިހަމަވާންޖެހޭ ޝަރުޠުތަކާއި ފަންނީ ޝަރުޠުތައް ހަމަވާ ފަރާތްތަކަކަށް ވާންޖެހޭނެއެވެ.

ޕްރޮޕޯޒަލް ހުށަހެޅުމުގެ މިންގަނޑުތައް

ފާމްތަކުން ހުށަހަޅާ ޕްރޮޕޯޒަލަކީ TOR ގައި ބަޔާންކޮށްފައިވާ ހުރިހާ ތަފްސީލުތަކެއް ހިމެނޭ ފުރިހަމަ ޕްރޮޕޯޒަލަކަށް ވާންޖެހޭނެއެވެ.

އިވެލުއޭޝަން ކްރައިޓީރިއާ (މާކްސް ދެވޭނެ އުޞޫލު)

ފަރާތްތައް ހޮވުމުގައި ބަލާނީ TOR ގައި ކަނޑައަޅާފައިވާ އިވެލުއޭޝަން ކްރައިޓީރިއާ އަށެވެ.

ހުށަހަޅަންޖެހޭ ގޮތުގެ އިރުޝާދު

މި މަސައްކަތަށް ޝައުޤުވެރިވާ ފަރާތްތަކުން، ދެވިފައިވާ ރެޖިސްޓްރޭޝަން ލިންކް މެދުވެރިކޮށް ރެޖިސްޓްރޭޝަން ފޯމް ފުރިހަމަކުރެއްވުމަށްފަހު، 2 ސެޕްޓެމްބަރު 2025، 18:00 ގެ ކުރިން އީމެއިލް ކުރަންވާނެއެވެ.

ރެޖިސްޓްރޭޝަން ލިންކް

ނޯޓް: މި މުއްދަތުގެ ކުރިން ރެޖިސްޓްރީ ނުކުރާ ފަރާތްތަކަށް ބިޑްގައި ބައިވެރިވުމުގެ ފުރުޞަތެއް ނޯންނާނެއެވެ.

މުހިންމު ތާރީޚުތައް

• ރެޖިސްޓްރޭޝަން ހުޅުވާލުން: 27 އޯގަސްޓް 2025، 14:00 (އޮންލައިންކޮށް: ރެޖިސްޓްރޭޝަން ލިންކް މެދުވެރިކޮށް)

  • ރެޖިސްޓްރޭޝަން ބަންދުވުން: 2 ސެޕްޓެމްބަރު 2025، 18:00

  • މަޢުލޫމާތު ސެޝަން: 3 ސެޕްޓެމްބަރު 2025، 14:00 (ޓީމްސް މެދުވެރިކޮށް)

  • ސުވާލުތަކަށް ޖަވާބުދިނުން: 4 ސެޕްޓެމްބަރު 2025، 14:00

  • ބިޑް ހުށަހެޅުމާއި ހުޅުވުން: 7 ސެޕްޓެމްބަރު 2025، 14:00

    ,

  • ހޮވުނު ފަރާތް އެންގުން: 14 ސެޕްޓެމްބަރު 2025، 14:00 ގަޑިން

  • ޝަކުވާ ހުށަހެޅުމުގެ ސުންގަޑި: 17 ސެޕްޓެމްބަރު 2025، 14:00 ގަޑިން

  ޕޮއިންޓް ދޭނެ އުސޫލު

  • އަގު (80%) – އެންމެ ކުޑަ އަގު ހުށަހަޅާ ފަރާތަށް ރިއާޔަތްކޮށް އެހެން ހުށަހެޅުންތަކަށް ޕޮއިންޓް ދެވޭނެއެވެ.

  • ތަޖުރިބާ (20%) – ގުޅުންހުރި މަސައްކަތްތަކުގެ ތަޖުރިބާއަށް ބަލައި، ރެފަރެންސް ސިޓީތަކާއި ދައްކާފައިވާ ހުނަރުވެރިކަމަށް ބިނާކޮށް ޕޮއިންޓް ދެވޭނެއެވެ.

  ހުށަހަޅަންޖެހޭ ލިޔެކިޔުންތައް

  • ކުންފުނީގެ ޕްރޮފައިލް

  • ބިޑް ހުށަހަޅާ ފަރާތުގެ ރެފަރެންސްތައް

  • މަސައްކަތުގެ ދާއިރާއާ (scope of work) ގުޅޭގޮތުން ހުރި ޚިޔާލާއި އިސްލާހުތައް

  • މަސައްކަތް ކުރިއަށް ގެންދާނެ ގޮތުގެ ތަފްސީލް (methodology)

  • ޓީމުގައި ހިމެނޭ މީހުންނާއި ހަވާލުކުރެވޭ މަސައްކަތްތައް

  • ހުށަހަޅާ އަގު

  • ބިޑް ޑޭޓާގައި ބަޔާންކޮށްފައިވާ އިތުރު ފޯމުތައް

  ހުށަހަޅަންޖެހޭ ގޮތް

  ޕްރޮޕޯޒަލްތައް މަތީގައި ބަޔާންކޮށްފައިވާ ސުންގަޑީގެ ކުރިން hello@noonunaturally.com އަށް އީމެއިލް މެދުވެރިކޮށް ފޮނުވަންވާނެއެވެ.