ޚިދުމަތުގެ އެއްބަސްވުމުގެ ފުރުޞަތު - އާރބަން ޕްލޭނިންގ ކޮންސަލްޓަންޓް

"ރީއިމޭޖިން ނޫނު ބިނާވެށި – ނޫނު އަތޮޅުގެ ބިން ބޭނުންކުރާނެ ގޮތުގެ ޕްލޭން (އެލް.ޔޫ.ޕީ) އެކުލަވައިލުން" މި މަޝްރޫޢަށް ފެންވަރުހުރި، ތަޖުރިބާކާރު އަރބަން ޕްލޭނިންގ ކޮންސަލްޓަންޓަކު ހޯދުމަށް ބޭނުންވެއެވެ.

މި މަޝްރޫޢުގެ މަޤްޞަދަކީ އާބާދީ އިތުރުވުމާއި، ވަސީލަތްތައް ބެލެހެއްޓުމާއި، މޫސުމަށް އަންނަ ބަދަލުތަކާއި، އަދި އިންފްރާސްޓްރަކްޗަރ ތަރައްޤީކުރުން ފަދަ މުހިންމު ގޮންޖެހުންތަކަށް ހައްލު ހޯދުމެވެ. އަމާޒަކީ ނޫނު އަތޮޅުގެ ހުރިހާ ރަށެއްގައި، މުޖުތަމަޢުގެ ބައިވެރިވުމާއެކު، ހަމަހަމަ އަދި ދެމެހެއްޓެނިވި ތަރައްޤީއަށް މަގުފަހިވާނެ ފަދަ "ސްޓްރެޓީޖިކް އަތޮޅު ލޭންޑް ޔޫސް ޕްލޭން" އެއް އެކުލަވައިލުމެވެ.

ކޮންސަލްޓަންޓްގެ މައިގަނޑު ދައުރަކީ، ތަފާތު ދާއިރާތަކުގެ މާހިރުންގެ ޚިޔާލާއި މަޝްވަރާ ހިމެނޭގޮތަށް، އަދި ކަމާބެހޭ ފަރާތްތަކުގެ ފުރިހަމަ ބައިވެރިވުމާއެކު، ބިން ބޭނުންކުރާނެ ގޮތުގެ ޕްލޭން އެކުލަވައިލުމަށް ބޭނުންވާ ފުރިހަމަ އަދި ތަފްސީލީ މެތޮޑޮލޮޖީއެއް (މަސައްކަތް ކުރާނެ ގޮތުގެ އުސޫލެއް) ތައްޔާރުކުރުމެވެ.

މައިގަނޑު މަސްއޫލިއްޔަތުތައް

އަރބަން ޕްލޭނިންގ ކޮންސަލްޓަންޓް ތިރީގައިވާ މަސައްކަތްތަކަށް ޒިންމާވާންޖެހޭނެއެވެ:

1. މެތޮޑޮލޮޖީ އެކުލަވައިލުން:
   ހ) ސްޓްރެޓީޖިކް އަތޮޅު ލޭންޑް ޔޫސް ޕްލޭން އެކުލަވައިލުމަށް ބޭނުންވާ ތަފްސީލީ މެތޮޑޮލޮޖީއެއް ފަރުމާކުރުން. މީގެ ތެރޭގައި ތިރީގައިވާ ކަންކަން ހިމެނެންވާނެއެވެ:

   i. ނޫނު އަތޮޅު ކައުންސިލާއި، ނޫނު އެލް.އޭ.ސީ (LAC)، މުޖުތަމަޢުގެ މެންބަރުން އަދި ކަމާބެހޭ އެހެނިހެން ފަރާތްތަކުގެ ފުރިހަމަ ބައިވެރިވުން ކަށަވަރުކުރުމަށްޓަކައި "ސްޓޭކްހޯލްޑަރ އެންގޭޖްމަންޓް ޕްލޭން" އެއް އެކުލަވައިލުން.

   ii. ހުރިހާ ކޮންސަލްޓަންޓުންނާއި ކަމާބެހޭ ފަރާތްތަކުން އަދާކުރަންޖެހޭ ދައުރުތައް ބަޔާންކުރާ "ރޯލްސް އެންޑް ރެސްޕޮންސިބިލިޓީސް މެޓްރިކްސް" އެއް ތައްޔާރުކުރުން.

   iii. މަސައްކަތްތައް ނިންމަންޖެހޭ ތާރީޚުތަކާއެކު (milestones) ތާވަލެއް އެކުލަވައިލުން.

   ށ) މަޝްރޫޢުގެ މަޤްޞަދުތައް ހާސިލުކުރުމަށް ބޭނުންވާ މުހިންމު ނަތީޖާތައް (deliverables) ދެނެގަތުން. މީގެ ތެރޭގައި ޒޯނިންގ މެޕްތަކާއި، އިޖުތިމާޢީ-އިޤްތިޞާދީ އިސްތިރާތީޖީތަކާއި، އަދި ތިމާވެށި ބެލެހެއްޓުމުގެ ޕްލޭންތައް ހިމެނެއެވެ.

   1. އެހެނިހެން މާހިރުންނާ ގުޅިގެން މަސައްކަތްކުރުން:

      ހ) އެހެނިހެން ކޮންސަލްޓަންޓުންނާ (އިޤްތިޞާދީ އަދި އިޖުތިމާޢީ ސައިންސް، ޤާނޫނީ، ދަތުރުފަތުރާއި ލޮޖިސްޓިކްސް، އަދި ސާވޭއިންގ) ގުޅިގެން މަސައްކަތްކޮށް، އެ ފަރާތްތަކުގެ ލަފަޔާއި އިރުޝާދު މެތޮޑޮލޮޖީގައި ހިމެނުން.

   2. މެތޮޑޮލޮޖީ ހުށަހެޅުން:

      ހ) މެތޮޑޮލޮޖީގެ ޑްރާފްޓް ނޫނު އަތޮޅު ކައުންސިލަށާއި ނޫނު އެލް.އޭ.ސީ އަށް ރިވިއުކުރުމަށާއި ޚިޔާލު ހޯދުމަށް ހުށަހެޅުން.

      ށ) ލިބޭ ޚިޔާލުތަކަށް ބިނާކޮށް މެތޮޑޮލޮޖީ އިޞްލާޙުކޮށް، ފައިނަލް ވަރޝަން ހުއްދަ ހޯދުމަށް ހުށަހެޅުން.

   ހުށަހަޅަންޖެހޭ ތަކެތި (Deliverables)

   ޚިދުމަތުގެ އެއްބަސްވުމުގެ މުއްދަތުގައި ކޮންސަލްޓަންޓް ތިރީގައިވާ ތަކެތި ހުށަހަޅަންޖެހޭނެއެވެ:

   • އިންސެޕްޝަން ރިޕޯޓް:

     • ސްޓްރެޓީޖިކް އަތޮޅު ލޭންޑް ޔޫސް ޕްލޭން އެކުލަވައިލުމަށް ބޭނުންވާ ތަފްސީލީ މެތޮޑޮލޮޖީ.

       • ސްޓޭކްހޯލްޑަރ އެންގޭޖްމަންޓް ޕްލޭން.

       • ރޯލްސް އެންޑް ރެސްޕޮންސިބިލިޓީސް މެޓްރިކްސް.

       • މަސައްކަތުގެ ތާވަލު.

     • މެތޮޑޮލޮޖީ ޕްރެޒެންޓޭޝަން: ނޫނު އަތޮޅު ކައުންސިލަށާއި ނޫނު އެލް.އޭ.ސީ އަށް ރިވިއުކުރުމަށާއި ހުއްދަ ހޯދުމަށް ހުށަހަޅާ ރަސްމީ ޕްރެޒެންޓޭޝަން.

     • ,

       ނިމުމުގެ މެތޮޑޮލޮޖީ ރިޕޯޓް: ސްޓޭކްހޯލްޑަރުންގެ ފަރާތުން ލިބުނު ޚިޔާލުތަކަށް ރިޢާޔަތްކޮށް އިޞްލާޙުކޮށްފައިވާ، މެތޮޑޮލޮޖީއާ ގުޅޭ އެންމެ ފަހުގެ ލިޔުން.

     ކޮންޓްރެކްޓްގެ މުއްދަތު

     މި ޚިދުމަތުގެ ކޮންޓްރެކްޓްގެ މުއްދަތަކީ އެއް މަސް ދުވަހެވެ. މި މުއްދަތުގެ ތެރޭގައި ކޮންސަލްޓަންޓާ ޙަވާލުކުރެވޭ މަސައްކަތްތަކާއި ހުށަހަޅަންޖެހޭ ތަކެތި ފުރިހަމަކުރަންވާނެއެވެ.

     އުޖޫރަ ދިނުމުގެ އުޞޫލު

     • ކޮންސަލްޓަންޓަށް އުޖޫރަ ދެވޭނީ މަސައްކަތްކުރާ ގަޑިއިރަށް ބަލައިގެންނެވެ.

       • މަސައްކަތަށް ހުށަހަޅާއިރު ގަޑިއިރަކަށް ޖެހޭ ރޭޓެއް ހުށަހަޅަންވާނެއެވެ. މި ރޭޓަކީ ނޫނު އެލް.އޭ.ސީ (Noonu LAC) އާއެކު މަޝްވަރާކޮށް، އެ ކައުންސިލުން ފާސްކުރަންޖެހޭ ރޭޓެކެވެ.

       • ފައިސާ ދެވޭނީ ކޮންސަލްޓަންޓް މަސައްކަތްކުރި ގަޑިތައް ހިމަނައިގެން ހުށަހަޅާ، އަދި ނޫނު އެލް.އޭ.ސީ އިން ފާސްކުރާ ޓައިމްޝީޓްތަކަށް ބަލައިގެންނެވެ.

       • ކޮންސަލްޓަންޓް ކޮންމެ ދެ ހަފުތާއަކުން އެއްފަހަރު އިންވޮއިސް ހުށަހަޅަންވާނެއެވެ. އިންވޮއިސްއާއެކު ތަފްޞީލީ ޓައިމްޝީޓާއި، ނިންމާފައިވާ މަސައްކަތްތަކުގެ ޚުލާޞާއެއް ހުށަހަޅަންވާނެއެވެ.

       މައިގަނޑު ޝަރުޠުތަކާއި ތަޖުރިބާ

       އެންމެ ދަށްވެގެން ހުންނަންޖެހޭ ޝަރުޠުތައް:

       • އާބަން ޕްލޭނިންގ، ރީޖަނަލް ޕްލޭނިންގ ނުވަތަ މިފަދަ ގުޅުންހުރި ދާއިރާއަކުން މާސްޓާސް ޑިގްރީއެއް ހާސިލުކޮށްފައިވުން.

         ތަޖުރިބާ:

         • އާބަން ޕްލޭނިންގ އަދި ލޭންޑް ޔޫސް މެނޭޖްމަންޓް ދާއިރާގައި މަދުވެގެން 5 އަހަރު ދުވަހުގެ ތަޖުރިބާ ލިބިފައިވުން.

           • ސްޓްރެޓީޖިކް ޕްލޭނިންގ މަޝްރޫޢުތަކަށް ބޭނުންވާ މެތޮޑޮލޮޖީ އެކުލަވައިލުމުގެ ތަޖުރިބާ ލިބިފައިވުން.

           • ތަފާތު ދާއިރާތަކުގެ ޓީމުތަކާއި ސްޓޭކްހޯލްޑަރުންގެ ޚިޔާލާއި މަޢުލޫމާތުތައް ވިލަރެސްކުރުމުގެ ތަޖުރިބާ ހުރުން.

           • ދެމެހެއްޓެނިވި ތަރައްޤީގެ އުޞޫލުތަކާއި، ރެޒިލިއަންސް ޕްލޭނިންގ އަދި ސްޓޭކްހޯލްޑަރުން ބައިވެރިކުރުމުގެ މަސައްކަތްތަކަށް އަހުލުވެރިވެފައިވުން.

           ހުނަރުތައް:

           • ލީޑަރޝިޕް އަދި މަޝްރޫޢުތައް ބެލެހެއްޓުމުގެ ފުރިހަމަ ޤާބިލުކަން ހުރުން.

             • މުޢާމަލާތްކުރުމާއި ކަންކަން ފަހިކޮށްދިނުމުގެ (facilitation) މޮޅު ހުނަރު ހުރުން.

             • ޖީ.އައި.އެސް (GIS) އަދި މެޕިންގ ޓޫލްސް ބޭނުންކުރަން ދަތުން.

             • ތަފާތު މަޢުލޫމާތުތައް އެއްކޮށް، ފުރިހަމަ މެތޮޑޮލޮޖީއެއް އެކުލަވައިލުމުގެ ޤާބިލުކަން ހުރުން.

             ރިޕޯޓްކުރުމާއި ވިލަރެސްކުރުން

             އާބަން ޕްލޭނިންގ ކޮންސަލްޓަންޓް ރިޕޯޓްކުރަންޖެހޭނީ ނޫނު އަތޮޅު ކައުންސިލަށެވެ. އަދި މަސައްކަތް ކުރިއަށްގެންދާނީ ނޫނު އެލް.އޭ.ސީ އާ ގާތުން ގުޅިގެންނެވެ. މަސައްކަތް ކުރިއަށްދާ ގޮތުގެ އަދާހަމަ ގަވާއިދުން ދޭންޖެހޭނެއެވެ. މީގެ އިތުރުން، އެހެނިހެން ކޮންސަލްޓަންޓުންނާއި ސްޓޭކްހޯލްޑަރުންނާއެކު ބާއްވާ ކޯޑިނޭޝަން ބައްދަލުވުންތަކުގައި ބައިވެރިވާންޖެހޭނެއެވެ. އަދި އެކުލަވައިލާ މެތޮޑޮލޮޖީ، ރިވިއުކޮށް ފާސްކުރުމަށްޓަކައި ނޫނު އަތޮޅު ކައުންސިލަށާއި ނޫނު އެލް.އޭ.ސީ އަށް ހުށަހަޅަންވާނެއެވެ.

             ހުށަހަޅަންޖެހޭ ތަކެތި

             ޝައުޤުވެރިވާ ކޮންސަލްޓަންޓުން ކަނޑައެޅިފައިވާ ސުންގަޑީގެ ކުރިން ތިރީގައިވާ ތަކެތި ހުށަހަޅަންވާނެއެވެ:

             • ހުށަހަޅާ ގަޑިއިރުގެ ރޭޓް: މެތޮޑޮލޮޖީ އެކުލަވައިލުމުގެ މަސައްކަތަށް ކޮންސަލްޓަންޓް ނަގާނެ ގަޑިއިރުގެ ރޭޓް ސާފުކޮށް އެނގޭނޭހެން ހުށަހެޅުން.

               • ,

                 ހުށަހަޅާ ގޮތް (Proposed Approach): ސްޓްރެޓީޖިކް އަތޮޅު ލޭންޑް ޔޫސް ޕްލޭންގެ މެތޮޑޮލޮޖީ އެކުލަވާލުމަށް ކޮންސަލްޓަންޓް ގެންގުޅޭނެ އުސޫލުތަކުގެ ކުރު ތައާރަފެއް.

               • ގުޅުންހުރި ތަޖުރިބާ:

                 • ކޮންސަލްޓަންޓާއި ޓީމުގެ މުހިންމު މެންބަރުންގެ ސީވީ (CV).

                   • ކޮށްފައިވާ މަސައްކަތްތަކުގެ ޕޯޓްފޯލިއޯ؛ މީގެ ތެރޭގައި ސްޓްރެޓީޖިކް ޕްލޭނިންގ މަޝްރޫއަކަށް ތައްޔާރުކޮށްފައިވާ މަދުވެގެން އެއް މެތޮޑޮލޮޖީ ހިމަނަންވާނެއެވެ.

                   • ކުރިން މަސައްކަތް ކޮށްދީފައިވާ ފަރާތްތަކުގެ ރެފަރެންސް.

                 • މަސައްކަތަށް ހުސްވެވޭނެ މިންވަރު: ކަނޑައެޅިފައިވާ މުއްދަތުގެ ތެރޭގައި މަސައްކަތް ނިންމޭނެކަމުގެ ޔަގީންކަން.

                 އިވެލުއޭޝަން ކްރައިޓީރިއާ (ވަޒަންކުރާނެ އުސޫލު)

                 ހުށަހަޅާ ޕްރޮޕޯޒަލްތައް އިވެލުއޭޓް ކުރެވޭނީ ތިރީގައިވާ މިންގަނޑުތަކަށް ބަލައިގެންނެވެ:

                 • ހުށަހަޅާ ގަޑިއިރުގެ ރޭޓް – 50%

                   • ހުށަހަޅާ ގޮތް (Proposed Approach) – 30%

                   • ގުޅުންހުރި ތަޖުރިބާ – 20%

                   މަސައްކަތުގެ ނަތީޖާ (Deliverables) ތައްޔާރުކުރުމާ ގުޅޭ އިތުރު ކަންކަން

                   މެތޮޑޮލޮޖީ ފައިނަލްކޮށް ފާސްވުމުން، މަޝްރޫއުގެ ދެވަނަ ފިޔަވަހީގައި ހިމެނޭ ވަކިވަކި މަސައްކަތްތައް (deliverables) ފުރިހަމަކުރުމުގައި، ހޮވޭ އާބަން ޕްލޭނިންގ ކޮންސަލްޓަންޓަށް އިސްކަންދެވޭނެއެވެ. މި މަސައްކަތްތަކުގެ ފީ ކަނޑައަޅާނީ ފާސްކުރެވޭ މެތޮޑޮލޮޖީގައިވާ މަޝްރޫއުގެ އަގާއި ދާއިރާއަށް ބިނާކޮށް، މަޝްވަރާކުރުމަށްފަހުގައެވެ.

                   ތާވަލު

                   • ރަޖިސްޓްރީވުމުގެ ފުރުސަތު ހުޅުވާލުން: 11 މާރިޗު 2025

                     • ރަޖިސްޓްރީވުމުގެ ސުންގަޑި: 16 މާރިޗު 2025، 13:00

                     • މައުލޫމާތު ސެޝަން: 17 މާރިޗު 2025، 13:00

                     • ސުވާލުތަކަށް ޖަވާބުދިނުން: 20 މާރިޗު 2025، 13:00

                     • ބިޑް ހުށަހެޅުމުގެ ސުންގަޑި: 25 މާރިޗު 2025، 13:00

                     ކުރިމަތިލާނެ ގޮތް

                     މި ބިޑުގައި ބައިވެރިވުމަށް ރަޖިސްޓްރީވުމަށްޓަކައި، ސުންގަޑި ހަމަވުމުގެ ކުރިން މި ލިންކް މެދުވެރިކޮށް ރަޖިސްޓްރޭޝަން ފޯމު ފުރިހަމަކުރައްވާށެވެ.

                     ދެމެހެއްޓެނިވި އަދި ތަހުޒީބީ މުސްތަގުބަލެއް ބިނާކުރުމަށް ޝައުގުވެރިވާ، ޝަރުތުހަމަވާ އާބަން ޕްލޭނިންގ ދާއިރާގެ މާހިރުން ކުރިމަތިލުމަށް އަޅުގަނޑުމެން ބާރުއަޅަމެވެ. އިތުރު މައުލޫމާތު ހޯއްދެވުމަށް hello@noonunaturally.com އަށް ގުޅުއްވުން އެދެމެވެ.