ބީލަމަށް ދަޢުވަތު - ލީގަލް ކޮންސަލްޓަންޓް

ނ. އަތޮޅު ކައުންސިލްގެ އިދާރާއިން “ރީއިމޭޖިން ނޫނު ބިނާވެށި” މަޝްރޫޢަށް ކުރިމަތިލުމުގެ ފުރުޞަތު ހުޅުވާލައިފީމެވެ. މި މަޝްރޫޢަކީ ދެމެހެއްޓެނިވި ތަރައްޤީއަށް މަގުފަހިކުރުމަށާއި، ބިމުގެ ވަސީލަތްތަކުގެ ބޭނުން އެންމެ ފުރިހަމަ ގޮތުގައި ހިފުމަށާއި، މޫސުމަށް އަންނަ ބަދަލުތަކާއި ގަވަރނަންސްގެ ދާއިރާއިން ނޫނު އަތޮޅުގެ ރަށްތަކަށް ކުރިމަތިވަމުންދާ ބޭނުންތަކަށް ހައްލު ހޯދައިދިނުމަށްޓަކައި އެކުލަވާލާ އަތޮޅު ފެންވަރުގެ ބިނާވެށި ޕްލޭނެކެވެ. މި ތަޞައްވުރު ހަޤީޤަތަކަށް ހެދުމަށްޓަކައި، މި މަސައްކަތުގައި ޓީމެއްގެ ގޮތުގައި ބައިވެރިވެ މަސައްކަތް ކުރާނެ ލީގަލް ކޮންސަލްޓަންޓް (ޤާނޫނީ މުޝީރު) ގެ މަޤާމަށް ބިޑް ހުށަހެޅުމުގެ ފުރުޞަތު ހުޅުވާލަމެވެ.

މަޝްރޫޢުގެ ޚުލާޞާ

ނ. އަތޮޅު ކައުންސިލްގެ އިދާރާއިން ކުރިއަށްގެންދާ “ރީއިމޭޖިން ނޫނު ބިނާވެށި” މަޝްރޫޢުގެ ލީގަލް ކޮންސަލްޓަންޓެއްގެ ހައިސިއްޔަތުން، ދެމެހެއްޓެނިވި އަދި ޤާނޫނީ އޮނިގަނޑުގެ ތެރެއިން އެކުލަވާލެވޭ ބިނާވެށި ޕްލޭނެއް ތައްޔާރުކުރުމަށް ބޭނުންވާ މުހިންމު މަސައްކަތްތަކެއް ކުރަންޖެހޭނެއެވެ. މީހުން ދިރިއުޅޭ ރަށްތަކާއި ފަޅުރަށްތަކުގެ އިތުރުން، އެ ރަށްރަށާ ގުޅިފައިވާ ފަރުތަކާއި ފަޅުތަކާ ގުޅޭ ޤާނޫނީ މައްސަލަތަކުގައި ކޮންސަލްޓަންޓް އިސް ދައުރެއް އަދާކުރަންޖެހޭނެއެވެ. މީގެ ތެރޭގައި، ލާމަރުކަޒީ އުޞޫލުތަކާ އެއްގޮތްވާ ގޮތުގެ މަތިން، މި ވަސީލަތްތައް ހަމަހަމަކަމާއެކު ބެލެހެއްޓުމަށް ބޭނުންވާ ފަންނީ ލަފާ ދިނުން ހިމެނެއެވެ.

މި މަޤާމުގެ މުހިންމު އެއް ޒިންމާއަކީ ފަޅުރަށްރަށް ކުއްޔަށް ދިނުމާ ގުޅޭގޮތުން ހުރި ޤާނޫނީ މައްސަލަތައް ބަލައި ހައްލުކުރުމާއި، ލާމަރުކަޒީ ޤާނޫނާ އެއްގޮތަށް ކަންކަން ހިނގާކަން ކަށަވަރުކުރުމާއި، މަރުކަޒީ ސަރުކާރުގެ ނިންމުންތަކުގެ ސަބަބުން ކުރިމަތިވެދާނެ ޚިޔާލުތަފާތުވުންތަކަށް ހައްލު ހޯދުމެވެ. ކޮންސަލްޓަންޓްގެ މަސައްކަތުން ނޫނު އަތޮޅުގެ ރަށްތަކުގެ ޙައްޤުތަކާއި އަމިއްލަ އިޚްތިޔާރު ރައްކާތެރިކޮށްދީ، ދެމެހެއްޓެނިވި ތަރައްޤީއަށް މަގުފަހިވެގެންދާނެއެވެ. ފުރިހަމަ ޤާނޫނީ ލަފާގެ އެހީގައި، ރަށުގެ އަގުތަކަށް އިޙްތިރާމްކުރާ، ލާމަރުކަޒީ ނިޒާމަށް ބާރުދޭ، އަދި އަތޮޅުގެ ރައްޔިތުންނަށް ދިގުމުއްދަތުގެ ތަނަވަސްކަން ގެނެސްދޭނެ ބިނާވެށި ޕްލޭނެއް އެކުލަވާލުމަށް މަގުފަހިވެގެންދާނެއެވެ.

ހޮވޭ ކޮންސަލްޓަންޓް މަސައްކަތް ކުރާނީ ނ. އަތޮޅު ކައުންސިލްގެ އިދާރާއާއި އެކި ދާއިރާތަކުގެ ފަންނީ މާހިރުން ހިމެނޭ ޓީމަކާ ގުޅިގެންނެވެ. މި ޓީމުން ގުޅިގެން ތިރީގައިވާ މުހިންމު ނަތީޖާތައް ހާސިލުކުރާނެއެވެ:

1. އިޖުތިމާޢީ ބޭނުންތައް ދެނެގަތުމަށް ފުރިހަމަ އެސެސްމަންޓެއް ހެދުން.
2. މޫސުމީ ބަދަލުތަކަށް ކެތްތެރި ރަށްތަކާއި އަތޮޅު އޮނިގަނޑެއް އެކުލަވާލުން.
3. ރަސްމީ އަތޮޅު ބިނާވެށި ޕްލޭން (LUP) ތައްޔާރުކުރުން.

މި މަސައްކަތް ފުރިހަމައަށް ރޭވުމަށްޓަކައި، ކޮންސަލްޓެންސީ ޓީމުގައި ތިރީގައިވާ ދާއިރާތަކުގެ މާހިރުން ބައިވެރިވާނެއެވެ:

• އާބަން ޕްލޭނިންގ (ރަށްފަރުމާކުރުން)
• އިޤްތިޞާދާއި އިޖުތިމާޢީ ޢިލްމު
• ދަތުރުފަތުރާއި ލޮޖިސްޓިކްސް
• ސާވޭކުރުން

މި މާހިރުންގެ ފަންނީ ލަފަޔާއި ދިރާސާތަކުގެ އެހީގައި، ބިނާވެށި ޕްލޭނަކީ ހަރުދަނާ، ހުރިހާ ފަރާތްތަކެއް ހިމެނޭ، އަދި އަތޮޅުގެ ތަފާތު ބޭނުންތަކަށް ފަރުމާކުރެވިފައިވާ ޕްލޭނެއްކަން ކަށަވަރުކުރެވޭނެއެވެ.

މަސައްކަތުގެ ދާއިރާއާއި ހުށަހަޅަންޖެހޭ ތަކެތި

,

ކޮންސަލްޓަންސީގެ ކޮންމެ ރޯލަކަށް ކަނޑައެޅިފައިވާ ތަފްސީލީ މަސައްކަތްތަކާއި ޒިންމާތައް "ޓާމްސް އޮފް ރިފަރެންސް" (TOR) ލިޔުމުގައި ބަޔާންކޮށްފައިވާނެއެވެ. ޕްރޮޕޯޒަލް ހުށަހެޅުމުގެ ކުރިން TOR ރަނގަޅަށް ދިރާސާކުރުމަށް ޝައުގުވެރިވާ ކޮންސަލްޓަންޓުންނަށް އަންގަމެވެ.

މަސައްކަތުގެ މެތޮޑޮލޮޖީގައި ކަނޑައެޅިފައިވާ ގޮތަށް އަދި ނޫނު އަތޮޅު ކައުންސިލް ނުވަތަ އެލް.އޭ.ސީ އިން ހުއްދަދީގެން ނޫނު އަތޮޅަށް ކުރަންޖެހޭ ދަތުރުތަކުގެ ޓިކެޓާއި، ހުރުމާއި، ކެއުމުގެ ހަރަދުތައް ހަމަޖައްސާނީ ނޫނު އަތޮޅު ކައުންސިލް/ނޫނު އެލް.އޭ.ސީ އިންނެވެ. އެހެންކަމުން، މި ހަރަދުތައް ހުށަހަޅާ ފީގެ ތެރޭގައި ހިމަނައިގެން ނުވާނެއެވެ. ކޮންސަލްޓަންޓުން ފީ ހުށަހަޅަންވާނީ ތިރީގައިވާ މަސައްކަތްތަކަށެވެ:

މި މަޝްރޫޢުގެ ދަށުން ކުރަންޖެހޭ މަސައްކަތްތަކާއި، އެ މަސައްކަތްތަކަށް ހުށަހަޅާ ފީ (ދިވެހި ރުފިޔާއިން) ތިރީގައި އެވަނީއެވެ:

1. ޕްރޮޖެކްޓް މެތޮޑޮލޮޖީ ފައިނަލްކުރުން

   1. މުޖުތަމަޢުގެ ބޭނުންތައް ދެނެގަތުމުގެ އެސެސްމަންޓް ހެދުން

   2. މަސައްކަތުގެ މައިގަނޑު އުސޫލުތައް (Guiding Principles) ބަލައިގަތުން

   3. ރެސިލިއަންޓް އައިލެންޑްސް އެންޑް އަތޮޅު ފްރޭމްވޯކް އެކުލަވާލުން

   4. މިހާރު ހުރި ވަސީލަތްތަކާއި ބިން ބޭނުންކުރާ ގޮތް އިވެލުއޭޓްކުރުން

   5. އިދާރީ އޮނިގަނޑު (Administrative Framework) އެކުލަވާލުން

   6. އަތޮޅު ލޭންޑް ޔޫސް ޕްލޭން އެކުލަވާލުން

   7. އިންޓަގްރޭޓަޑް އަތޮޅު ޑިވެލޮޕްމަންޓް ފޯރަމް ބޭއްވުން

   8. ފަޅުރަށްރަށް ކުއްޔަށް ދިނުމާ ގުޅޭ ގާނޫނީ މައްސަލަތަކާ ހަވާލުވުން

   ނޯޓް: ވަކި ޚާއްޞަ ދާއިރާތަކަށް ކުރިމަތިލާ ކޮންސަލްޓަންޓުން ފީ ހުށަހަޅަންވާނީ އެ ބޭފުޅެއްގެ ތަޖުރިބާއާ ގުޅޭ މަސައްކަތްތަކަށް އެކަންޏެވެ.

   ބިޑް ކުރުމުގެ މަރުހަލާ

   މުހިންމު ތާރީޚުތަކާއި ވަގުތުތައް

   1. ރަޖިސްޓްރީވުން – 18 އިން 30 ޑިސެމްބަރު 2024، 13:00 އަށް

      1. ބިޑް މަޢުލޫމާތު ދިނުމުގެ ސެޝަން – 31 ޑިސެމްބަރު 2024، 13:00 ގައި

      2. މަޢުލޫމާތު ސާފުކުރުން – 1 އިން 4 ޖެނުއަރީ 2025، 13:00 އަށް

      3. ބިޑް ހުށަހެޅުމުގެ ސުންގަޑި – 8 ޖެނުއަރީ 2025، 13:00 ގައި

      ބިޑްގައި ބައިވެރިވާން ޝައުގުވެރިވާ ފަރާތްތަކުން މި ފޯމު ފުރިހަމަކުރައްވައިގެން ރަޖިސްޓްރީ ކުރެއްވޭނެއެވެ. މަޢުލޫމާތު ދިނުމުގެ ސެޝަން ކުރިއަށްދާނީ އޮންލައިންކޮށެވެ. ރަޖިސްޓްރީވުމުން، ބައްދަލުވުމުގެ ލިންކާއެކު ކޮންފާމޭޝަން އީމެއިލެއް ފޮނުވޭނެއެވެ.

      ރަޖިސްޓްރީވާ ހުރިހާ ފަރާތްތަކަށް، މަޢުލޫމާތު ދިނުމުގެ ސެޝަންގެ ކުރިން ތަފްސީލީ ޓާމްސް އޮފް ރިފަރެންސް (TOR) ފޮނުވޭނެއެވެ. މި ލިޔުމުގައި މަޝްރޫޢުގެ މަޤްޞަދުތަކާއި، މަސައްކަތުގެ ދާއިރާ، ހުށަހަޅަންޖެހޭ ތަކެތި އަދި އުންމީދުކުރާ ނަތީޖާތައް ބަޔާންކޮށްފައިވާނެއެވެ. މިއީ ބިޑްކުރާ ފަރާތްތަކަށް ބޭނުންވާ ކަންކަން ސާފުކޮށްދިނުމަށްޓަކައެވެ.

      ބިޑް ހުޅުވުމުގެ މަރުހަލާ

      ,

      އަންދާސީހިސާބު ކަނޑާނީ 8 ޖެނުއަރީ 2025 ވާ ބުދަ ދުވަހުގެ 13:00 ގައި، އަންދާސީހިސާބު ހުށަހަޅާ ފަރާތްތަކުގެ ހާޒިރުގައެވެ. މިކަން ކުރިއަށްދާނީ ނ. އަތޮޅު ކައުންސިލްގެ އިދާރާ، ނ. މަނަދޫ، ދިވެހިރާއްޖޭގައެވެ. އީމެއިލް ނުވަތަ އެހެނިހެން އިލެކްޓްރޯނިކް ވަސީލަތްތައް މެދުވެރިކޮށް ހުށަހަޅާ އަންދާސީހިސާބުތައް ބަލައެއް ނުގަނެވޭނެއެވެ. ހުރިހާ ލިޔެކިޔުންތަކެއް ހުންނަންވާނީ އެއް ސިޓީއުރައެއްގައި ބަންދުކޮށްފައެވެ. އަދި ސިޓީއުރައިގެ ބޭރުގައި ހުށަހަޅާ ފަރާތުގެ ނަމާއި އިޢުލާން ނަންބަރު ލިޔެފައި އޮންނަންވާނެއެވެ.

      އަންދާސީހިސާބު ބާތިލުވާނެ ސަބަބުތައް

      1. ރަޖިސްޓްރީ ނުކުރާ ފަރާތްތަކަށް އަންދާސީހިސާބު ހުށަހެޅުމުގެ ފުރުޞަތެއް ނޯންނާނެއެވެ.

         1. މަޢުލޫމާތު ސާފުކުރުމުގެ ސެޝަނަށް ހާޒިރުވުމަކީ މަޖުބޫރު ކަމެކެވެ. ހާޒިރުނުވާ ފަރާތްތަކުގެ އަންދާސީހިސާބު ބަލައެއް ނުގަނެވޭނެއެވެ.

         2. ގަޑިޖެހުމަށްފަހު ހުށަހަޅާ އަންދާސީހިސާބުތައް ބަލައެއް ނުގަނެވޭނެއެވެ.

         3. ހުށަހަޅަންޖެހޭ ލިޔެކިޔުންތަކުގެ ތެރެއިން ލިޔުމެއް މަދުވެއްޖެނަމަ، އެ އަންދާސީހިސާބެއް ބާތިލުވާނެއެވެ.

         ހުށަހަޅަންޖެހޭ ތަކެތި

         މި މަސައްކަތަށް ޝައުޤުވެރިވާ ކޮންސަލްޓަންޓުން ނުވަތަ ކުންފުނިތަކުން ޕްރޮޕޯޒަލާއެކު ތިރީގައިވާ ތަކެތި ހުށަހަޅަންވާނެއެވެ:

         1. ޓެކްނިކަލް ޕްރޮޕޯޒަލް

            • މަސައްކަތް ކުރިއަށްގެންދާނެ ގޮތުގެ ތަފްސީލީ މެތޮޑޮލޮޖީ.

              • މަސައްކަތުގެ ތަފްސީލީ ތާވަލު (ވޯކް ޕްލޭން އަދި ޓައިމްލައިން).

              • ކޮންސަލްޓިންގ ޓީމުގައި ހިމެނޭ މެންބަރުންގެ ތަފްސީލު (ޓީމެއްގެ ގޮތުގައި ހުށަހަޅާނަމަ).

              2. ފިނޭންޝަލް ޕްރޮޕޯޒަލް

              • ފުރިހަމަކޮށްފައިވާ އަގު ހުށަހަޅާ ފޯމު (ޑެލިވަރަބަލްސް ޓޭބަލް)، ހުރިހާ މަސައްކަތްތަކެއްގެ އަގު ހިމެނޭގޮތަށް.

                3. ތަޢުލީމީ ފެންވަރާއި ތަޖުރިބާ

                • މަސައްކަތުގައި ބައިވެރިވާ މުހިންމު މުވައްޒަފުންގެ ވަނަވަރު (CV).

                  • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ.

                  • ކުރިން މަސައްކަތް ކޮށްދީފައިވާ ފަރާތްތަކުގެ ރެފަރެންސް ސިޓީ.

                  4. ޤާނޫނީ އަދި އިދާރީ ލިޔެކިޔުންތައް

                  • ކުންފުނީގެ ރަޖިސްޓްރޭޝަން ކޮޕީ (ކުންފުންޏެއްނަމަ).

                    • ޖީ.އެސް.ޓީ އަށް ރަޖިސްޓްރީކޮށްފައިވާ ސެޓްފިކެޓްގެ ކޮޕީ (ލާޒިމްވާނަމަ).

                    • މުއްދަތު ހަމަނުވާ (ފާއިތުވި 6 މަސްދުވަހުގެ) ޓެކްސް ކްލިއަރެންސް ރިޕޯޓް.

                    • ގުޅޭނެ މަޢުލޫމާތު (ނަން، މަޤާމު، ފޯނު ނަންބަރު، އީމެއިލް).

                    • ޓެކްސް ކޮމްޕްލަޔަންސް ސެޓްފިކެޓް (ލާޒިމްވާނަމަ).

                    އިވެލުއޭޝަން ކްރައިޓީރިއާ

                    ޕްރޮޕޯޒަލްތައް އިވެލުއޭޓް ކުރެވޭނީ ތިރީގައިވާ މިންގަނޑުތަކަށެވެ:

                    1. ޓެކްނިކަލް ޕްރޮޕޯޒަލް (40%)

                       • މަޝްރޫޢުގެ މަޤްޞަދުތަކާއި މަސައްކަތުގެ ދާއިރާ (Scope of Work) ދެނެގަނެފައިވާ މިންވަރު.

                         • ހުށަހަޅާފައިވާ މެތޮޑޮލޮޖީ އާއި ވޯކް ޕްލޭންގެ ފެންވަރާއި އެކަން ކުރެވިދާނެ މިންވަރު.

                         2. ތަޢުލީމީ ފެންވަރާއި ތަޖުރިބާ (30%)

                         • މިފަދަ މަސައްކަތްތައް ކުރުމުގެ ތަޖުރިބާ.

                           • ހުށަހަޅާފައިވާ ފަރާތްތަކުގެ ނުވަތަ ޓީމުގެ ފަންނީ ޤާބިލުކަން.

                             ,

                           3. މާލީ ހުށަހެޅުން (20%)

                           • ޚަރަދަށް ބަލާއިރު ނަތީޖާ ނެރެދެވޭ މިންވަރާއި އަގުގެ ފައިދާ.

                             4. ރެފަރެންސް އަދި ކުރީގެ މަސައްކަތްތައް (10%)

                             • ކުރީގެ ކްލައިންޓުންގެ ފަރާތުން ލިބިފައިވާ ޚިޔާލުތައް.

                               • މީގެ ކުރިން ކޮށްފައިވާ މިފަދަ މަސައްކަތްތަކުގެ ޕޯޓްފޯލިއޯ ހުށަހެޅުން.

                               މި ކައުންސިލުން އުންމީދު ކުރަނީ ތިޔަ ފަރާތްތަކުގެ ބިޑުތައް ލިބި، "ރީއިމޭޖިން ނޫނު ބިނާވެށި" މަޝްރޫޢު ހަގީގަތަކަށް ހަދައި، ނޫނު އަތޮޅަށް ދެމެހެއްޓެނިވި ތަރައްގީ ގެނައުމަށް ހުނަރުވެރި ފަންނީ ފަރާތްތަކާއެކު މަސައްކަތް ކުރުމަށެވެ.