ބީލަމަށް ދަޢުވަތު - ރަށްރަށުގައި ތަކަކުރާ މޮޑެލް ތަންފީޒުކުރުމުގެ ކޮންސަލްޓަންސީ

ނ. އަތޮޅު ކައުންސިލްގެ އިދާރާއިން ފުރިހަމަ އޯގަނިކް ކުނި މެނޭޖްކުރުމުގެ މަޝްރޫޢެއް ހިންގައިދޭނެ ފަރާތެއް ހޯދުމަށް ބީލަމަށް ހުޅުވާލައިފިއެވެ. މި އިސްނެގުމުގެ މަގުސަދަކީ ތަކަކޫރާ މެތަޑް ބޭނުންކޮށްގެން، ނޫނު އަތޮޅުގެ މީހުން ދިރިއުޅޭ ހުރިހާ ރަށެއްގައި ދެމެހެއްޓެނިވި އަދި ލާމަރުކަޒީ އުސޫލުން ކޮމްޕޯސްޓް ތައްޔާރުކުރާ ނިޒާމުތަކެއް ގާއިމުކުރުމެވެ. މި މަޝްރޫޢުގެ ސަބަބުން ކުނި މަދުކުރުމަށާއި، ތިމާވެށީގެ ދެމެހެއްޓެނިވިކަމަށާއި، އަދި ސާކިއުލާ އިކޮނޮމީއަކަށް މަގުފަހިވެ، މުޖުތަމައުގެ ދިގު މުއްދަތުގެ ލާބައަށް އެހީތެރިވެދޭނެއެވެ.

މި މަޝްރޫޢުގެ މައިގަނޑު މަގުސަދަކީ އޯގަނިކް ކުނި މެނޭޖްކުރުމުގައި ދެމެހެއްޓެނިވި އަދި މުޖުތަމައު ބައިވެރިވާނެ ގޮތްތަކެއް ކަނޑައަޅައި، ކާބޯތަކެތީގެ ކުނި މަދުކުރުމާއެކު ކޮމްޕޯސްޓް އުފެއްދުމަށް ރަށު ކައުންސިލްތަކަށް މަގުފަހިކޮށްދިނުމެވެ. މައިގަނޑު ހަރަކާތްތައް ބިނާވެފައިވަނީ އަމަލީ ތަމްރީނު ދިނުމާއި، ވަސީލަތްތައް ތަރައްގީކުރުމާއި، އަދި މަޝްރޫޢު ފެށުމަށްފަހު ފަންނީ އެހީތެރިކަން ފޯރުކޮށްދިނުމުގެ މައްޗަށެވެ.

މަސައްކަތުގެ ދާއިރާ

ހޮވޭ ފަރާތުން ތިރީގައިވާ ކަންކަމަށް ޒިންމާވާންޖެހޭނެއެވެ:

1. ތަމްރީނު ފަރުމާކުރުމާއި ދިނުން

• ކޮމްޕޯސްޓް ތައްޔާރުކުރާނެ ގޮތްތަކާ ގުޅޭގޮތުން ރަށު ކައުންސިލްތަކަށް ވޯކްޝޮޕްތައް ހިންގުން.
• ސީޑް ކޮމްޕޯސްޓް ތައްޔާރުކުރުމާއި ނިޒާމުތައް ހިންގުމާ ގުޅޭ އަމަލީ ތަމްރީނު ދިނުން.

2. ވަސީލަތްތައް ތަރައްގީކުރުން

• ރަށްރަށުގެ ހާލަތާ ގުޅޭގޮތަށް ކޮމްޕޯސްޓް ތައްޔާރުކުރާނެ ގޮތުގެ މެނުއަލްއެއް ތައްޔާރުކުރުން.
• ކޮމްޕޯސްޓް ކުރާ ނިޒާމުތަކަށް ބޭނުންވާ ސްޓޭންޑަޑް އޮޕަރޭޓިންގ ޕްރޮސީޖަރސް (SOPs) ތައްޔާރުކުރުން.

3. ސައިޓާއި އިކުއިޕްމަންޓާ ގުޅޭ ލަފާދިނުން

• އަގާއި، ފެންވަރާއި، އަދި ލޮޖިސްޓިކްސްއަށް ބަލައި، އެކަށީގެންވާ މެޝިނަރީ އާއި އިކުއިޕްމަންޓްތައް ބޭނުންކުރުމަށް ލަފާދިނުން.
• މަސައްކަތުގެ ތަރުތީބާއި މުޖުތަމައުގެ ބޭނުންތަކަށް ރިއާޔަތްކޮށް، ކޮމްޕޯސްޓް ކުރާ ސައިޓް ފަރުމާކުރާނެ ގޮތުގެ ބްރީފްތައް ފޯރުކޮށްދިނުން.

4. މެދުނުކެނޑި ފަންނީ އެހީތެރިކަން ފޯރުކޮށްދިނުން

• ނިޒާމު ގާއިމުކޮށް ނިމޭތާ ތިން މަސް ދުވަހުގެ މުއްދަތަށް މޮނިޓަރ ކުރުމާއި ދިމާވާ މައްސަލަތައް ހައްލުކުރުމުގައި އެހީތެރިކަން ދިނުން.
• މަސައްކަތްތައް މޮނިޓަރ ކުރުމަށް ބޭނުންވާ ޑޭޓާ ކަލެކްޝަން ޓެމްޕްލޭޓްތަކާއި ރިޕޯޓިންގ ނިޒާމުތައް ފޯރުކޮށްދިނުން.

އިވެލުއޭޝަން ކްރައިޓީރިއާ

ބީލަންތައް އިވެލުއޭޓް ކުރެވޭނީ ތިރީގައިވާ ކަންކަމަށް ބަލައިގެންނެވެ:

1. އަގު (70%)

ވާދަވެރި އަދި އެކަށީގެންވާ އަގުތަކަށް މަތީ މާކްސް ލިބޭނެއެވެ.

2. ތަޖުރިބާ އާއި ގާބިލުކަން (30%)

އޯގަނިކް ކުނި މެނޭޖްކުރުމުގެ ދާއިރާގައި، ހާއްސަކޮށް ރަށްރަށުގެ މާހައުލުގައި މަސައްކަތް ކުރުމުގެ ބޮޑު ތަޖުރިބާއެއް ހުރި ފަރާތްތަކަށް ހާއްސަ ސަމާލުކަމެއް ދެވޭނެއެވެ.

ބީލަން ހުށަހެޅުމުގެ ޝަރުތުތައް

ޝައުގުވެރިވާ ފަރާތްތަކުން ތިރީގައިވާ ތަކެތި ހުށަހަޅަންޖެހޭނެއެވެ:

• މަސައްކަތް ކުރާނެ ގޮތުގެ ތަފްސީލީ ޕްރޮޕޯސަލް އާއި އަގު.
• މީގެ ކުރިން ކޮށްފައިވާ މިފަދަ މަސައްކަތްތައް ހިމެނޭ ޕޯޓްފޯލިއޯ.

,

އިކުއިޕްމަންޓްތަކުގެ ތަފްސީލާއި ސިފަތައް.

މި މަޝްރޫޢުގައި ބައިވެރިވާ މުހިންމު މުވައްޒަފުންގެ ސީވީތައް.

ހުށަހަޅާ ހުރިހާ ލިޔެކިޔުންތަކެއް ހުންނަންވާނީ ކަނޑައެޅިފައިވާ ފޯމެޓަށެވެ. އަދި ޝަރުތު ހަމަވުމަށްޓަކައި ބޭނުންވާ ހުރިހާ ލިޔެކިޔުންތަކެއް ހިމަނަންވާނެއެވެ.

ތާވަލު

ބިޑް ކުރުމުގެ މަރުހަލާގެ މުހިންމު ތާރީޚުތަކަކީ ތިރީގައިވާ ތާރީޚުތަކެވެ:

• ރަޖިސްޓްރީވުމަށް ހުޅުވާލުން: 13 ޖުލައި 2025، 14:00 ގައި

  • ރަޖިސްޓްރީވުމުގެ ސުންގަޑި: 17 ޖުލައި 2025، 13:00 ގައި

  • މަޢުލޫމާތު ދިނުމުގެ ސެޝަން (މަޖުބޫރު): 20 ޖުލައި 2025، 14:00 ގައި (ޓީމްސް މެދުވެރިކޮށް)

  • ސުވާލު ހުށަހެޅުމުގެ ސުންގަޑި: 22 ޖުލައި 2025، 13:00 ގައި

  • ޕްރޮޕޯސަލް ހުށަހެޅުމުގެ ސުންގަޑި: 24 ޖުލައި 2025، 14:00 ގައި

  ހުށަހަޅަންޖެހޭ ގޮތުގެ އިރުޝާދު

  ބިޑް ހުށަހަޅާ ފަރާތްތަކުން:

  1. ސުންގަޑީގެ ކުރިން ކަނޑައެޅިފައިވާ ރަޖިސްޓްރޭޝަން ލިންކް މެދުވެރިކޮށް ޝައުގުވެރިކަން ފާޅުކޮށް ޕްރީ-ރަޖިސްޓްރޭޝަން ފުރިހަމަކުރަންވާނެއެވެ. މަޢުލޫމާތު ދިނުމުގެ ސެޝަންގައި ބައިވެރިވެވޭނީ ހަމައެކަނި ރަޖިސްޓްރީވެފައިވާ ފަރާތްތަކަށެވެ.

     1. ޕްރޮޕޯސަލްތައް hello@noonunaturally.com އަށް އީމެއިލް ކުރައްވާ ނުވަތަ ނ. އަތޮޅު ކައުންސިލްގެ އިދާރާ، ނ. މަނަދޫ، ދިވެހިރާއްޖެ އަށް ހާޒިރުވެ ހުށަހަޅުއްވާށެވެ.

     ނޯޓް: ގަޑިޖެހިގެން ހުށަހަޅާ ނުވަތަ މަޢުލޫމާތު ފުރިހަމަނުވާ ހުށަހެޅުންތައް ބަލައެއް ނުގަނެވޭނެއެވެ.

     ގުޅޭނެ އިތުރު މަޢުލޫމާތު

     އިތުރު މަޢުލޫމާތު ސާފުކުރެއްވުމަށް ތިރީގައިވާ ގޮތްތަކުން ކުރެ ގޮތަކަށް ގުޅުއްވުން އެދެމެވެ:

     • ފޯން: 6560012 ނުވަތަ 6560028

       • އީމެއިލް: hello@noonunaturally.com

       • އެޑްރެސް: ނ. އަތޮޅު ކައުންސިލްގެ އިދާރާ، ނ. މަނަދޫ، ދިވެހިރާއްޖެ