ބީލަމަށް ދަޢުވަތު: ނ. އަތޮޅު އިދާރާއަށް އެޗްއާރު މެނޭޖްމަންޓް ސިސްޓަމެއް

ތަޢާރަފު

ނޫނު އަތޮޅު ކައުންސިލްގެ އިދާރާއިން މައިކްރޯސޮފްޓް 365 އެންވަޔަރަންމަންޓެއްގައި ފުރިހަމަ ހިއުމަން ރިސޯސް (އެޗް.އާރް) މެނޭޖްމަންޓް ސިސްޓަމެއް ފަރުމާކޮށް ޤާއިމުކުރުމަށްޓަކައި، މިކަމަށް ޝަރުޠުހަމަވާ އަދި ޤާބިލު ފަރާތްތަކުން ތަފްސީލީ ޕްރޮޕޯޒަލް ހުށަހެޅުމުގެ ފުރުޞަތު ހުޅުވާލަމެވެ. މި ސިސްޓަމްގެ މަޤްޞަދަކީ އެޗް.އާރް މަސައްކަތްތައް ހަރުދަނާކުރުމާއި، މުވައްޒަފުން އަމިއްލައަށް ކަންކަން ނިންމުމުގެ ފުރުޞަތު ފަހިކޮށްދިނުމާއި، މެނޭޖަރުން ބާރުވެރިކުރުވުމާއި، ފުރިހަމަ ރިޕޯޓިންގ އަދި އެނަލިޓިކްސް ފޯރުކޮށްދިނުމުގެ އިތުރުން މުޅި މަސައްކަތު ފައުޖު މެނޭޖްކުރުން އިތުރަށް ރަނގަޅުކުރުމެވެ.

މަސައްކަތުގެ ދާއިރާ

ހޮވޭ ފަރާތުން ތިރީގައިވާ ކަންކަމަށް ޒިންމާވާންޖެހޭނެއެވެ:

• އެޗް.އާރްގެ މައިގަނޑު މަސައްކަތްތައް ޑިޖިޓަލްކޮށް އޮޓޮމޭޓްކުރުން: މީގެ ތެރޭގައި ޗުއްޓީ މެނޭޖްކުރުން، ހާޒިރީ ބެލެހެއްޓުން، ޕޭރޯލް، ޕާފޯމަންސް މެނޭޖްމަންޓް އަދި އެމްޕްލޯއީ ސެލްފް ސަރވިސް ހިމެނެއެވެ.

• އެމްޕްލޯއީ ސެލްފް ސަރވިސްގެ ޤާބިލުކަން އިތުރުކުރުން: އެޗް.އާރްގެ އިދާރީ ބުރަ ކުޑަކުރުމަށްޓަކައެވެ.

• މެނޭޖަރުން ބާރުވެރިކުރުވުން: ޓީމުތައް ފައިދާހުރި ގޮތެއްގައި މެނޭޖްކުރުމަށް ބޭނުންވާ ވަސީލަތްތަކާއި މަޢުލޫމާތު ފޯރުކޮށްދިނުން.

• ފުރިހަމަ ރިޕޯޓިންގ އަދި އެނަލިޓިކްސް ފޯރުކޮށްދިނުން: މަޢުލޫމާތުގެ އަލީގައި ގޮތްތައް ނިންމުމަށް މަގުފަހިކޮށްދިނުން.

• އިދާރާގެ އެތެރޭގެ މުޢާމަލާތްތައް ރަނގަޅުކުރުން: ސިޔާސަތުތަކަށް ހޭލުންތެރިކަން އިތުރުކުރުމާއި މުވައްޒަފުންގެ ބައިވެރިވުން އިތުރުކުރުން.

• މުވައްޒަފުން ވަޒީފާއަށް އަހުލުވެރިކުރުވުމާއި، ތަމްރީނު އަދި ތަރައްޤީގެ ކަންކަމަށް މަގުފަހިކޮށްދިނުން: މައިކްރޯސޮފްޓް 365 އަދި މައިކްރޯސޮފްޓް ޑައިނަމިކްސް 365 ބިޒްނަސް ސެންޓްރަލްއާ ފަސޭހަކަމާއެކު ގުޅުވާލުން.

• ޤާނޫނީ މިންގަނޑުތަކަށް ފެތޭކަން ކަށަވަރުކުރުން: ދިވެހިރާއްޖޭގެ ވަޒީފާއާބެހޭ ޤާނޫނުތަކާއި، ޓެކްސްގެ ޤަވާޢިދުތަކާއި، ޕެންޝަން ފަންޑުގެ ޝަރުޠުތަކަށް އަމަލުކުރުން.

• މަސައްކަތުގެ ހަލުވިމިން އިތުރުކުރުން: މޮބައިލް އެކްސެސް، އޭ.އައި (AI) މެދުވެރިކޮށް ލިބޭ މަޢުލޫމާތު، ޑައުންލޯޑް ކުރެވޭ ޕޭރޯލް ފައިލްތައް އަދި ދެމެހެއްޓެނިވި ގޮތެއްގައި ކަންކަން ބެލެހެއްޓުމުގެ ނިޒާމު މެދުވެރިކޮށް.

• ސީ.އާރް.އެމް (CRM) ސިސްޓަމްތަކާ ގުޅުވާލުން: އެޗް.އާރް މަސައްކަތްތަކާއި މަޢުލޫމާތު ބެލެހެއްޓުން އިތުރަށް ހަރުދަނާކުރުން.

ޝަރުޠުތައް

ބިޑު ހުށަހަޅާ ފަރާތްތަކުގެ ކިބައިގައި ތިރީގައިވާ ޝަރުޠުތައް ފުރިހަމަވާންޖެހޭނެއެވެ:

• ފަންނީ ތަޖުރިބާ: މައިކްރޯސޮފްޓް 365 ގެ ޚިދުމަތްތަކާއި، ޕަވަރ އެޕްސް، ޕަވަރ އޮޓޮމޭޓް، މައިކްރޯސޮފްޓް ޑޭޓާވާސް އަދި މައިކްރޯސޮފްޓް ޑައިނަމިކްސް 365 ބިޒްނަސް ސެންޓްރަލްއަށް ފަރިތަވުން.

• ތަޖުރިބާ: މައިކްރޯސޮފްޓް 365 އެންވަޔަރަންމަންޓެއްގައި އެޗް.އާރް މެނޭޖްމަންޓް ސިސްޓަމްތައް ފަރުމާކޮށް ޤާއިމުކުރުމުގެ ކާމިޔާބު ތާރީޚެއް އޮތުން.

• އެޗް.އާރް ދާއިރާގެ މަޢުލޫމާތު: އެޗް.އާރް މަސައްކަތްތަކާއި ޤާނޫނީ ގޮތުން ފުރިހަމަކުރަންޖެހޭ ކަންކަން އެނގުން.

• ޕްރޮޖެކްޓް މެނޭޖްމަންޓް ހުނަރު: އެޗް.އާރް އެޕްލިކޭޝަންތައް މެނޭޖްކުރުމާއި ކޮންފިގަރ ކުރުމުގެ ޤާބިލުކަން، މީގެ ތެރޭގައި ސިޔާސަތުތަކާއި، ވޯކްފްލޯތަކާއި، ޔޫޒަރ ރޯލްތައް ކަނޑައެޅުން ހިމެނެއެވެ.

,

• ސޮފްޓް ސްކިލްސް: މުޢާމަލާތްކުރުމުގެ ހުނަރާއި މައްސަލަ ހައްލުކުރުމުގެ ގާބިލުކަން ހުރުން. 

  ހުށަހަޅަންޖެހޭ ގޮތުގެ އިރުޝާދު 

  ޝައުގުވެރިވާ ބިޑްވެރިން ތިރީގައިވާ ތަކެތި ހިމެނޭހެން ޕްރޮޕޯސަލް ހުށަހަޅަންވާނެއެވެ: 

  • ކަވަރ ލެޓަރ: ތައާރަފަކާއި ގާބިލުކަމުގެ ހުލާސާއެއް. (ކޮލިފިކޭޝަން ސެޓްފިކެޓްތައް އެޓޭޗްކުރަންވާނެއެވެ) 

    • ޓެކްނިކަލް ޕްރޮޕޯސަލް: މަސައްކަތް ކުރިއަށްގެންދާނެ ގޮތާއި، މެތޮޑޮލޮޖީ އަދި ތާވަލުގެ ތަފްސީލު. 

      • ފިނޭންޝަލް ޕްރޮޕޯސަލް: އަގުތަކުގެ ތަފްސީލު. 

        • ގުޅުންހުރި ތަޖުރިބާ: މީގެ ކުރިން ފުރިހަމަކޮށްފައިވާ މިފަދަ މަޝްރޫޢުތަކުގެ މިސާލު. 

          • ރެފަރެންސް: ކުރިން މަސައްކަތްކޮށްދީފައިވާ ކްލައިންޓުންގެ މައުލޫމާތު. 

            ޝައުގުވެރިވާ ފަރާތްތަކުން މި ރެޖިސްޓްރޭޝަން ލިންކް މެދުވެރިކޮށް ރެޖިސްޓްރީ ކުރަންވާނެއެވެ.

            އިވެލުއޭޓްކުރާނެ މިންގަނޑު 

            ބިޑްތައް އިވެލުއޭޓްކުރެވޭނީ އަންނަަނިވި ކަންކަމަށް ބަލައިގެންނެވެ: 

            • ޓެކްނިކަލް ގާބިލުކަން: މަޝްރޫޢުގެ ބޭނުންތައް ދެނެގަނެވިފައިވާ މިންވަރާއި ހުށަހަޅާފައިވާ ހައްލުތައް. 

              • ތަޖުރިބާއާއި ގާބިލުކަން: ގުޅުންހުރި ދާއިރާއިން ލިބިފައިވާ ތަޖުރިބާއާއި ހުނަރު. 

                • އަގު: ފިނޭންޝަލް ޕްރޮޕޯސަލް އަދި ހަރަދަށް ބަލާއިރު އެންމެ ފައިދާހުރި ގޮތް. 

                  އުސޫލުތަކާއި ޝަރުތުތައް 

                  • އެއްބަސްވުމުގެ ޝަރުތުތައް: ނޫނު އަތޮޅު ކައުންސިލްގެ އިދާރާއިން ކަނޑައަޅާފައިވާ ގާނޫނީ އަދި އެއްބަސްވުމުގެ ޝަރުތުތަކަށް ބިޑްވެރިން އެއްބަސްވާންޖެހޭނެއެވެ. 

                    • މަޝްރޫޢު ކުރިއަށްގެންދިއުން: މަޝްރޫޢު ކުރިއަށްގެންދިއުމާ ގުޅޭ ހާއްސަ ޝަރުތުތައް އެއްބަސްވުމުގައި ތަފްސީލުކުރެވޭނެއެވެ. 

                      މުހިންމު ތާރީޚުތަކާއި ވަގުތުތައް 

                      • ރެޖިސްޓްރޭޝަން ފެށުން: 11 މެއި 2025، 21:00 (އޮންލައިންކޮށް: މި ރެޖިސްޓްރޭޝަން ލިންކް މެދުވެރިކޮށް)

                        • ރެޖިސްޓްރޭޝަން ނިމުން: 18 މެއި 2025، 16:00

                        • މައުލޫމާތު ސެޝަން: 19 މެއި 2025، 14:00 (ޓީމްސް މެދުވެރިކޮށް)

                        • ސުވާލުތަކަށް ޖަވާބުދިނުން: 20 މެއި 2025، 14:00

                        • ޕްރޮޕޯސަލް ހުށަހަޅަންޖެހޭ ސުންގަޑި: 25 މެއި 2025، 14:00

                        • ,

                          ހޮވުނު ފަރާތް އެންގުން: 02 ޖޫން 2025، 14:00 ގަޑިން

                        • ޝަކުވާ ހުށަހެޅުމުގެ ސުންގަޑި: 04 ޖޫން 2025، 14:00 ގަޑިން

                        • ކޮންޓްރެކްޓް ހަވާލުކުރުން: 10 ޖޫން 2025

                        ގުޅޭނެ މައުލޫމާތު 

                        • ގުޅޭނެ ފަރާތް: ޢަބްދުﷲ ޙުމައިދު

                          • އީމެއިލް: hello@noonunaturally.com

                            • ފޯން: +960 989-8119